Қарағанды облысының әкімі Приозерск қаласының жылыту маусымына дайындығын тексерді
Биыл Приозерск қаласында 1974 жылы салынған қазандықтың жабдықтары жаңартылды. Бұл жылу сапасына қатысты көпжылдық мәселені шешуге көмектеседі.
Қарағанды облысының әкімі Ермағанбет Бөлекпаев Приозерск қаласына жұмыс сапары барысында қаланың жылыту маусымына дайындығын тексерді.
Облыс басшысына жылу шығынын азайту және жылумен жабдықтауды жақсарту шаралары туралы баяндалды. Қалалық қазандықты жаңғырту жүргізілді, тозу салдарынан апаттар орын алған жылу желілерінің учаскелері ауыстырылды.
Құбырларды оқшаулау да жүзеге асырылады.
– Алдағы жылыту маусымына дайындық аясында № 1, 4 және 5 үш қазандыққа ағымдағы жөндеу жүргізілді. Екінші және үшінші қазандықтар ауыстырылды. Жылу алмастырғыштар көшеге шығарылды. Біз олардың жұмысының сенімділігін арттырдық, өткен жылы екі жаңа жылу алмастырғыш сатып алдық. Сондай-ақ экономайзерлерге жөндеу жүргізілді. Біз мазут сатып алдық, қор бар. Жылыту маусымының басталуына дайынбыз, – деді "Сарышаған Сужылу – 2014" ЖШС басшысы Руслан Ғалымжанов.
Келесі жылы қазандық ғимаратын жөндеуге кірісу жоспарлануда. Шатыр мен қасбет жаңартылмақ.
Приозерск қаласында сумен жабдықтау мәселелері де шешілуде. Биыл Абай, Балқаш және Жеңіс көшелеріндегі су құбырының апатты учаскелері ауыстырылды. Бір шақырымға жуық жаңа құбырлар салынды.
Ермағанбет Бөлекпаев дене шынықтыру-сауықтыру кешенінің құрылыс алаңына да барды. Тұрғындар бұл нысанның қажеттілігі туралы осыған дейін бірнеше рет айтқан болатын. Спорт нысанының құрылысы биыл басталды, қазір негізгі қаңқа салынды. Инфрақұрылым тартылды. Мердігердің айтуынша, жұмыс кесте бойынша жүріп жатыр. ДСК 2024 жылы тапсырылуы керек. Ашылғаннан кейін спортшылар күн сайын әртүрлі спорт түрлерімен айналыса алады: күрес, бокс, көркем гимнастика, баскетбол, футбол және т. б.
Спортпен шұғылдану үшін қалада стадионды абаттандыру жұмыстары да жалғасуда. жасанды жабыны бар футбол алаңы, тартан жеңіл атлетикалық жүгіру жолы жасалды. Волейбол және баскетбол алаңдары орнатылды. Әрі қарай көпфункционалды хоккей корты, воркаут-алаң, жанкүйерлерге арналған трибуналар жоспарланған.
Сонымен қатар, биыл Приозерск қаласында Абай атындағы саябақ салына бастады.
