Қарағанды облысының құрамасы "Жұлдызай-2023" ұлттық инклюзивті ойындарында 29 медаль жеңіп алды

Қарағанды облысының жас спортшылары "Жұлдызай-2023" ұлттық инклюзивті ойындарында 14 алтын, 10 күміс және 5 қола медаль жеңіп алды.

Жарыс Ж. Үшкемпіров атындағы жекпе-жек Сарайында және Астанадағы Qazaqstan жеңіл атлетикалық спорт кешенінде өтті. Оларға 500-ден астам балалар мен жасөспірімдер қатысты. Олар келесі спорт түрлерінен жарысты: голбол, жеңіл атлетика, үстел теннисі, асық ату, тоғызқұмалақ және бес асық.

Қарағанды облысының құрамасынан мамандандырылған мектептердің 32 тәрбиеленушісі қатысты.  Жалпы командалық есепте өңір құрамасы әр түрлі номинациядағы 29 медаль жеңіп алып, төртінші қатарға орналасып, Алматы, Павлодар және Ақмола облыстарының спортшыларынан жеңіліп қалды.

– Биылғы жылы біздің балалар өте жақсы өнер көрсетті. Бұрын бізде медальдар көп болған жоқ, – деп атап өтті "Сарыарқа дарыны" балаларға арналған қосымша білім беру өңірлік ғылыми-практикалық орталығы басшысының орынбасары Асхат Кәкетаев. – Бұл жас спортшылар мен олардың жаттықтырушыларының үлкен жетістігі. Олар ойындарға үш ай бойы дайындалды. 

Қарағандының № 3 арнайы мектеп-интернатынан облыс құрамасына сегіз тәрбиеленуші кірді. Оларды ұлттық ойындарға дене шынықтыру мұғалімі Тойлыбай Комитет дайындады. Мұғалім мұндай жарыстар балалардың қоғамда әлеуметтенуіне көмектесетініне сенімді.

– Біздің тәрбиеленушілер жақсы нәтиже көрсетті, бірақ одан да жақсы өнер көрсете алар еді. Біраз толқу әсер етті. Соған қарамастан біз нәтижелерге өте қуаныштымыз және жаңа биіктерге ұмтыламыз, – дейді Тойлыбай Комитет. – Балалар арасында бес асықтан бірінші орын алған Мирас Жұмабаев пен жеңіл атлет Максим Духновты ерекше атап өткім келеді. Бұл балалар менімен қосымша айналысады және біздің сабақтарымыздың бекер өтпегенін көрсетті. Жалпы, мен біздің мектептің барлық оқушыларын мақтан тұтамын.

Құрама құрамында № 2 және 4 арнайы мектеп-интернаттарының оқушылары да болды.

Олар сондай-ақ тамаша нәтижелер көрсетіп, тоғызқұмалақтан, бес асықтан медальдармен, кубоктармен және үстел теннисінен арнайы номинациялармен марапатталды.

Сонымен қатар, жеңіл атлетикадан облыс құрамасы эстафетада 50 метр қашықтықта екінші, жүз метрлік жарыста үшінші орын алды. Жеңіл атлетикадан жалпы есепте Қарағанды облысының командасы екінші орынға ие болды.