Қазақстанда ерлі-зайыптылардың нотариаттық келісімін онлайн рәсімдеуге болады
Енді ерлі-зайыптылардың нотариаттық келісімін EGOV mobile мобильді қосымшасында онлайн ресімдеуге болады. ҚР Әділет министрлігінің, Республикалық нотариатты палатаның және "Ұлттық ақпараттық технологиялар" АҚ-ның ақпараттық жүйелері арасындағы Интеграция азаматтарға нотариусқа бармай-ақ нотариаттық құжаттарды куәландыруға мүмкіндік береді.
Ерлі-зайыптылардың келісімі талап етілетін құжаттарды рәсімдеудің қосымша нұсқасы egov mobile мобильді қосымшасының eNotary сервисінде пайда болды. Келісім биометриялық тексеруден өту арқылы онлайн режимінде беріледі. Содан кейін нотариус клиенттің деректерін тексереді. Келісім расталғаннан кейін нотариалды куәландырылған құжат ресімделеді.
"Осы жылдың сәуір айында egov mobile мобильді қосымшасында eNotary сервисі іске қосылды. Бүгінгі таңда ол қазақстандықтар арасында танымал. Азаматтар осы сервистің көмегімен әлемнің кез келген нүктесінен кез келген қажетті құжатты куәландыруға мүмкіндігі бар. Бұл ыңғайлы, өйткені құжаттарды рәсімдеу үшін нотариусты іздеудің және оған барудың қажеті жоқ. Енді ерлі-зайыптылардың келісімін екі минут ішінде онлайн режимінде алуға болады", – деп атап өтті "Ұлттық ақпараттық технологиялар" АҚ Басқарма төрағасы Ростислав Коняшкин.
Ерлі-зайыптылардың келісімін алу үшін:
- eGov Mobile қосымшасына кіру;
- басты бетте eNotary қызметін ашу;
- тізімнен "Келісім" әрекет түрін таңдаңыз;
- өтініш формасын толтырыңыз және биометриялық тексеруден өтіңіз;
- бейнеқоңырау арқылы жұбайының/ зайыбының келісімін ресімдеу;
- нотариустың қызметіне ақы төлеу.
Бейнеқоңырау аяқталғаннан кейін пайдаланушы "нотариаттық әрекеттер" бөлімінде өтінімнің мәртебесін көруге мүмкіндігі бар. EGov Mobile мобильді қосымшасының "цифрлық құжаттар" бөліміндегі QR кодын сканерлеу арқылы бейнекамераның көмегімен ресми куәландырылған сенімхаттың түпнұсқалығын тексеруге болады.
Қалыптасқан сенімхат "цифрлық құжаттар" сервисінде қолжетімді болады, оны талап ету орны бойынша ұсынуға болады.