Су негізіндегі бояулар мен газоблоктарды Нұра ауданында ісін жаңа бастаған кәсіпкер шығарады

Нұра ауданының тұрғыны кәсіпкерлікті дамытуға грант алып, су негізіндегі бояулар мен газоблоктар шығаратын цех ашты. Оның өнімдері сұранысқа ие, болашақта ол өндірістік қуаттылықты арттырмақшы.

23 жастағы Әкімбек Зекен өткен жылы кәсіпкерлікті дамытудың ұлттық жобасы аясында өткен гранттар байқауына қатысты. Бизнес-идеяны іске асыруға оған 1,2 миллион теңгеден астам қаржы бөлінді. Осы қаражатқа ол миксер, арнайы сыйымдылық – еурокуб және басқа жабдықтар сатып алды. Күніне шамамен 1,5 тонна бояу шығарады.

– Біз бояудың екі түрін жасаймыз – сыртқы және ішкі әрлеу жұмыстары үшін. Жақында мен 2,5% жеңілдікті несие алу мүмкіндігін пайдаланып, газ блоктарын шығаруды бастадым. Күніне біз 120–140 дана жасаймыз. Болашақта көлемді ұлғайтуды жоспарлап отырмын, – дейді бастаушы кәсіпкер.

Өткен жылы Нұра ауданында кәсіпкерлікті дамытуға 59 адам грант алды. Биылғы жылы 10 бизнес-идея мақұлданды. Жыл соңына дейін тағы он бизнесін жаңа бастаған кәсіпкерге грант бөлу жоспарлануда.