Қарағандыда облыстық әдеби-шығармашылық байқаудың жеңімпаздары анықталды

Қарағандыда балаларға арналған өлеңдер мен әңгімелер жазатын жазушылар арасында "Бүлдіршінге жыр арна" облыстық әдеби-шығармашылық байқауының қорытындысы шығарылды.

Шығармашылық жарыс екі кезеңде өткізілді. Іріктеу кезеңіне қатысуға 48 адам өтініш берді. Оның 35-і "Балаларға арналған өлеңдер" номинациясында және 13-і "Балаларға арналған әңгімелер" санатында жұмыс ұсынды.

Авторлары жасырынған барлық жұмыстар 18 лауреатты анықтаған қазылар алқасына берілді.

Қорытынды кезең мен жеңімпаздарды марапаттау Қарағанды Достық үйінде өтті.

Сондай-ақ, "Ханталапай" ұлттық ойындар орталығының көрмесі ұйымдастырылып, көрермендер түрлі ұлттық үстел ойындарына қатысты.

"3–5 жастағы балаларға арналған өлеңдер" номинациясында бірінші орынды Қазақстан Журналистер Одағының мүшесі, облыстық поэзия байқауларының лауреаты, "Балқаш өңірі" газетінің редакциясы" ЖШС директоры Қуаныш Аманқұлов иеленді. "6–10 жастағы балаларға арналған әңгімелер" санатында Ы. Алтынсарин атындағы Қарағанды мектеп-лицейінің қазақ тілі мен әдебиеті пәнінің мұғалімі Дәуренбек Бұланбаев жеңіске жетті. 

Жеңімпаздар дипломдар мен ақшалай сертификаттар алды.

Марапаттау концерттік бағдарламамен аяқталды, онда халықаралық және республикалық байқаулардың лауреаты Берік Әнуар мен "Шолпан-шоу" би ансамблі өнер көрсетті.

Байқауды "Қазақ тілі" халықаралық қоғамының Қарағанды облыстық филиалы, Азаматтық бастамаларды қолдау орталығы және "Тіл қазына" әлеуметтік жобасы аясында тілдерді дамыту басқармасы ұйымдастырды.