Бизнес-идеяларды іске асыруға мемлекеттік гранттар алуға өтінімдер қабылдау жүріп жатыр

22 қыркүйекке дейін Business.enbek.kz платформасында кәсіпкерлікті дамыту жөніндегі 2021–2025 жылдарға арналған ұлттық жоба шеңберінде жаңа бизнес-идеяларды іске асыру үшін мемлекеттік гранттар алуға онлайн-өтінімдер қабылданатын болады.

Гранттар алудың негізгі шарттары:

1. Жұмыспен қамтудың келесі санаттарының біріне жату:

- тіркелген жұмыссыздар;

- үш жылға дейін бизнеспен айналысатын жеке кәсіпкерлер.

2. Келесі әлеуметтік категориялардың біріне жату:

- көп балалы – көп балалы ретінде жәрдемақы алушылар (жұбайы, зайыбы);

- қоныс аударушылар және олардың еңбекке қабілетті отбасы мүшелері;

- мүгедек баланы (жұбайын, зайыбын)тәрбиелеуші ретінде жәрдемақы алатын адамдар;

– аз қамтылғандар – атаулы әлеуметтік көмек алушылар және олардың отбасы мүшелері;

- асыраушысынан айрылу жағдайы бойынша әлеуметтік жәрдемақы алушылар;

- "қандас" мәртебесі бар тұлғалар;

- мүгедектігі бар адамдар.

3. "Бастау Бизнес" жобасы бойынша кәсіпкерлік негіздеріне оқыту туралы сертификатқа ие болу https://business.enbek.kz/ru/bastau-business.

4. Ерікті қоныс аударуға қатысушылардан басқа (оңтүстіктен солтүстікке) жұмыспен қамтуға жәрдемдесудің белсенді шараларына қатысушы мәртебесін тексеру сәтінде болмауға тиіс.