"Қазақстан" шахтасында ТЖ тергеу жөніндегі комиссияның жұмысы ұзартылды

"Қазақстан" шахтасындағы өрттің салдарынан болған топтық жазатайым оқиғаны тергеу жөніндегі Үкіметтік комиссияның жұмысы 10 жұмыс күніне ұзартылды.

Қазіргі уақытта Апаттық учаскеде 27 тау-кен құтқарушысы жұмыс істейді, сондай-ақ 14 тау-кен жұмысшысы жұмылдырылған.

Тоғыз бөгет тұрғызылып, 100% толтырылды. Тағы үш бөгеттің құрылысы бойынша жұмыстар жүргізіліп жатыр.

Өрт ошақтарын сөндіру де жалғасуда

Газ мөлшері бақылауда. Жұмыс орындарында температура көрсеткіштерінің нашарлауы байқалмайды.

Қазақстан Республикасы Төтенше жағдайлар министрлігінің ақпараты бойынша