Шет ауданында 30 отбасы Конституция күнімен бірге қоныс тойын атап өтуде

Шет ауданындағы ауыл тұрғындары Конституция күніне ерекше сыйлық алды. Ақсу-Аюлы, Сейфуллин ауылдары мен Ағадыр кентінің отыз отбасы жаңа қоныстанушылар атанды. Кезекте тұрғандарға арналған тұрғын үй "Қуатты өңірлер – ел дамуының драйвері" бағдарламасы бойынша салынған.

Жаңа пәтердің бақытты иегерлерінің бірі Ақсу-Аюлы ауылының тұрғыны Ажар Бәкірова болды. Көп балалы ана жұбайымен бірге екі жыл ғана тұрғын үйге кезекте тұрған.

- Біздің төрт баламыз бар. Осыған дейін жалдамалы үйлерде тұрдық. Біздің арманымыз орындалды. Бізге үш бөлмелі үйдің кілттері берілді. Ол абаттандырылған, автономды жылытуы бар: бір апталық қазандық жеке бөлмеде орналасқан. Бөлмелер кең, жарық, - деді Ажар Бәкірова. – Біз бақыттымыз және өте ризамыз. Енді біздің балаларымыздың өз бөлмесі болады.

Ақсу-Аюлыда қоныс тойына барлығы төрт көпбалалы отбасы дайындалуда. С. Сейфуллин атындағы ауылда кезекте тұрған екі отбасына кілттер табысталды. Ағадыр кентінде 24 отбасы пәтер кілтін алды. Барлық жаңа қоныстанушылар халықтың әлеуметтік осал санатына жатады.