Қарағанды теннис мектебінің тәрбиеленушісі Египетте өткен беделді турнирде жеңіске жетті
Египеттің Дакахлия қаласында ITF Juniors j100 Dakahlia сериясының беделді жасөспірімдер турнирі аяқталды. Қарағанды теннис мектебінің тәрбиеленушісі Әмір Омарханов осы турнирдің жеңімпазы атанды, деп хабарлайды Қазақстан теннис Федерациясы.
Финалда 15 жасар Әмір ресейлік Артем Богомоловты 5:7, 6:1, 7:5 есептерімен жеңді. Финалдық матчқа дейін қазақстандық теннисші қарсыластарына бірде-бір сет бермеді. ITF-тің жаңартылған жасөспірімдер рейтингінде Египеттегі жеңісінің арқасында Әмір 66-шы орынға көтерілді және қазір 198-ші орында.
Омарханов Египетте бірқатар турнирлерде ойнауды жалғастыруда және кеше Каирде өткен J100 жарысында жергілікті спортшыны 6:3, 6:2 есебімен сенімді түрде жеңіп, бірінші раундтың кедергісін сәтті жеңді.