"Қазақстан" шахтасында апаттық учаскені оқшаулау туралы шешім қабылданды

Өрт болған "АрселорМиттал Теміртау" АҚ Көмір департаментінің "Қазақстан" шахтасында апаттық учаске гипс көпірлер салу арқылы оқшауланатын болады. Бұл туралы ҚР ТЖМ хабарлады.

"22 тамызда сағат 08:00-дегі жағдай бойынша авариялық қазбада өрт ошақтарының қарқындылығы төмендемеді, жағдай жақсарған жоқ. Өртті ауыздықтау бойынша жұмыстар жүргізілуде. Осыған байланысты КӘАҚҚ РШО – шахтадағы апатты жою бойынша штабтың басшылығы гипстен көпірлер салу арқылы апаттық учаскені оқшаулау туралы шешім қабылдады", – делінген ведомствоның хабарламасында.

Көпірлерді салу орындары анықталып, материалдарды жеткізу басталды.

Естеріңізге сала кетейік, 17 тамызда сағат 10:05-те Д6 көмір көлбеуін (көкжиек – 170 м) қазуда конвейер таспасының өртенуі орын алды. Апатты жою жоспары енгізілді. Оқиға болған кезде жер астында 227 адам болды, оның 222-сі жер бетіне көтерілді.

ТЖ салдарынан бес адам қаза тапты. Ауруханада 13 зардап шеккен адам емделуде.

Апатты тергеу жөніндегі арнайы комиссия құрылды, оның құрамына барлық жауапты мемлекеттік органдар кірді. Сондай-ақ, апат фактісі бойынша ҚР ҚК 277-бабының 3-бөлігі бойынша қылмыстық іс қозғалды ("Тау-кен немесе құрылыс жұмыстарын жүргізу кезінде қауіпсіздік ережелерін бұзу").