Саран қаласында ONAY! жеңілдік картасына құжаттар қабылдануда

Саран тұрғындары ONAY! жеңілдік көлік картасын ала алады. Құжаттарды қабылдау 14 тамызда басталды.

Саран қ., Победа к-сі, 45 мекенжайы бойынша хабарласу қажет. Телефондар:

 7-68-04; 7-68-05.

Ұсынылуы тиіс құжаттар: жеке куәлік, 3х4 фотосурет және жеңілдікті растайтын құжат.

Қала әкімдігінде тегін жол жүруге кімнің құқығы бар екенін мәлім етті:

- басқа мемлекеттер аумағындағы соғыс қимылдарының ардагерлері және жеңілдіктері бойынша Ұлы Отан соғысының ардагерлеріне теңестірілгендер;

- 1988–1989 жылдары Чернобыль атом электр станциясындағы апат салдарын жоюға қатысушылар, эвакуациялау күні жатырішілік жағдайда болған балаларды қоса алғанда, Қазақстан Республикасына қоныс аудару аймақтарынан эвакуацияланғандар (өз бетінше кеткен);

- екінші және үшінші топтағы мүгедектігі бар адамдар;

- 18 жасқа дейінгі мүгедектігі бар баланы тәрбиелеп отырған ата-аналардың бірі;

- мүгедектігі бар адамдардың қорғаншылары мен қамқоршылары;

- зейнеткерлер мен жасына байланысты Қазақстанда белгіленген ең төменгі зейнетақы мөлшерінен аз төлемдер алатын әлеуметтік жәрдемақы алушылар;

– төрт және одан да көп кәмелетке толмаған балалары бірге тұратын көп балалы отбасылардағы ата-аналардың бірі, оның ішінде колледждердің немесе университеттердің күндізгі студенттері – оқуды бітіргенге дейін (бірақ 23 жасқа дейін жас шектеуі бар);

- 75 жастан асқан қарт адамдар.