Қарағанды бейнелеу өнері мұражайында арт-зертхана ашылды
Қарағанды облыстық бейнелеу өнері мұражайында Абайдың туған күнінде "Түспен түрленген сөз" арт-зертханасы ашылды.
Өлеңдер, картиналар – әр сөз және әр қылқалам ұлы ойшыл, ақын, жазушы және қоғам қайраткері Абай Құнанбаевтың өмірі, шығармашылығы, философиясы туралы баяндайды.
– 2020 жылдан бастап Абай күнін атап өтеміз. Бүгін Абай өлеңдерін балалар мен ересектер оқиды. Егер бұрын біз бір күндік іс-шара ұйымдастырған болсақ, бұл жолы өнер зертханасын жасауды шештік. Суретшілерден Абай есімімен байланысты суреттер салуды сұрадық. Он күн бойы біз жұмыстарды жинап, 22 тамызда қорытынды көрме ұйымдастырамыз. Кәсіби суретші болудың қажеті жоқ, әуесқой суретшілер де қатыса алады. Бұл байқау емес. Біздің басты мақсатымыз – Абай мұрасын насихаттау. Біз өзіміздің әлеуметтік желілерімізде нәтижелерді жариялаймыз, – дейді мұражай басшысының орынбасары Мейрамгүл Елубаева.
Бүгін, 10 тамызда кездесу өтіп, мұражай қорынан көрме ашылды.
Басты экспонат – Теміртау суретшісі Андрей Осипенконың "Абай – ақын", "Абай – Данышпан" және "Абай – тұлға" триптихі.
Сондай-ақ, қарағандылық суретшілер Төлеуғали Кеңесбаев пен Исатай Исабаевтың графикалық жұмыстары, Әбдімәлік Бұхарбаевтың "Абай" репродукциясы және басқа да картиналар ұсынылды.
Мұражай қонақтары Виктор Аренттің мүсіндік жұмысымен танысуға болады.
Саран мәдениет үйінің "Поэтикалық оюлар" әдеби қонақ бөлмесінің жетекшісі Татьяна Стрельчук кездесуде Абайға арналған өз шығармаларының өлеңдерін оқыды.
– Абайдың Қара сөздері – менің жиі оқитын кітабым. Мен оны әрқашан қайталап оқимын. "Абай өлеңдері өмір беретін бұлақ ретінде" туындым дүниеге келді, – деп бөлісті Татьяна Стрельчук.
Н. Әбдіров атындағы № 58 мектептің 8-сынып оқушысы Наргиз Төлембаева шараға Абай өлеңдерін дайындады.
– Мен "Ғылым таппай мақтанба" өлеңін оқыдым. Абай күнінде оның шығармаларын оқып, шығармашылығымен тереңірек танысамыз. Біз Абай мұрасын зерделеуіміз керек, – дейді Наргиз.
Естеріңізге сала кетейік, бейнелеу өнері мұражайында "Түспен түрленген сөз" өнер зертханасының жұмысы жалғасуда. Оған кез-келген адам қатыса алады, ол үшін 475-475, 8-771-285-85-43 (Елена Сергеевна) нөмірлеріне қоңырау шалу керек.
