Қарағандыдағы Е. А. Бөкетов атындағы университет ғылыми технопарк салуда

Академик Е. А. Бөкетов атындағы Қарағанды университетінің аумағында ғылыми технопарк салынуда. Жаңа ғимаратта іргелі, қолданбалы және тәжірибелік-конструкторлық әзірлемелерді іске асыру үшін заманауи зертханалар мен зерттеу орталықтары ашылады.

Технопарк базасында студенттер, магистранттар және PhD докторанттар заманауи жабдықтар мен аспаптарда оқудан өтеді, сондай-ақ дипломдық жұмыстары мен жобаларын орындай отырып, зерттеу практикасын жүргізеді.

– Біздің студенттер, магистранттар мен докторанттар контингенті жыл сайын өсіп келеді. Төрт мыңнан астам адам жаратылыстану-ғылыми және техникалық мамандықтарда оқиды. Университет заманауи оқу-зерттеу зертханаларына деген қажеттілікті сезінуде. КЕАҚ-қа ауысуына байланысты университет технопарктер ашу құқығын алды. Бұл ғылыми жобаларды коммерцияландыру үшін қажетті шарт. Технопарктің ашылуы ғалымдардың қолданбалы жобаларын іске асыру үшін алаң құруға мүмкіндік береді, – дейді Е. А. Бөкетов атындағы ҚарУ әкімшілік-шаруашылық қызметі жөніндегі проректоры Асылбек Молдабаев. 

Құрылыс университеттің өз қаражаты есебінен жүзеге асырылады. Бұл мақсатқа 485 млн теңгеден астам қаржы бөлінді.

Кең екі қабатты ғимараттың бірінші қабатында тәжірибелік-эксперименттік база орналасады.

Инженерлік профиль зертханасы судың, топырақтың және мұнай өнімдерінің физика-химиялық сынамаларына арналған. Күн батареяларын, жарықдиодты шамдарды, әртүрлі морфологиялық өлшеу датчиктерін және материал құрылымын әзірлеу иондық-плазмалық технологиялар ғылыми-зерттеу орталығында жүргізіледі.

Техникалық, санитарлық және әкімшілік үй-жайлардан басқа ғимаратта конференц-зал, стартап-жобаларға арналған кеңселер және робототехника зертханасы ашылады.

Құрылысты 2024 жылы аяқтау жоспарлануда.