Қарағанды облысының тұрғындарына дүрбелең басталмай тұрып көмір сатып алу ұсынылды

Қарағанды облысының тұрғындары көмірді 52 сату пунктінде сатып ала алады, оның 20-сы Қарағандыда. Тұрғындардан күзгі дүрбелеңді болдырмау үшін қатты отынды алдын-ала сатып алуларын сұрайды.

Өңірлік коммуникациялар қызметінде өткен брифингте көмірмен қамтамасыз ету туралы айтылды.

Индустриялық даму комитетінің төрағасы Азамат Панбаевтың айтуынша, өңірде көмір жеткілікті. Оның негізгі жеткізушілері – "Шұбаркөл көмір" және "Жалын" кәсіпорындары.

– Қарағанды облысының көмірге қажеттілігі – 1 млн 100 мың тонна. Министрлік жүйелі шаралар қабылдауда. Біріншіден, республика деңгейінде тиісті іс-шаралар жоспары әзірленіп, барлық әкімдіктерге жеткізілді. Екіншіден, көмірді автомобиль көлігімен республика аумағынан әкетуге толық тыйым салынады. Үшіншіден, қазіргі уақытта қаулы әзірленуде, оған сәйкес көмір өндірушілер мен көмір саласында жұмыс істейтін кәсіпорындар ғана көмірді экспорттай алады. Бұл шешімнің негізгі мақсаты – делдалдар санын азайту және болдырмау, – деп түсіндірді Азамат Панбаев.

20 оператордан басқа, облыс орталығының тұрғындары үшін көмір өз кен орындарынан "Фирма "Рапид" ЖШС және "Exim Artis" ЖШС сататын болады.

Бағалар, жеткізу шарттары және сату орындары туралы толық ақпаратты Қарағанды кәсіпкерлік және ауыл шаруашылығы бөлімінен (8-7212) 42-15-05 нөмірі бойынша алуға болады.

Биылғы жылы көмір тапшылығын болдырмау және жүк машиналарының жүргізушілері арасындағы жанжалды жағдайлардың алдын алу үшін "Шұбаркөл Көмір" АҚ разрез аумағындағы алып кету пунктін жауып тастады. Бұл ретте разрезден 100 км радиустағы барлық елді мекендер көмірмен қамтамасыз етіледі.

– 2023 жылы биржалық сауда-саттық қорытындысы бойынша коммуналдық-тұрмыстық көмірді көтерме сатып алушы болып "Көмір гарант" ЖШС анықталды. Компания төрт отын пунктін құру туралы шешім қабылдады: екеуі Ұлытау облысында, біреуі Қостанай облысында және біреуі Қарағанды облысының Осакаровка кентінде. Осы отын базаларына көмір жеткізу темір жол көлігімен үздіксіз жүргізілетін болады. Сондай-ақ, халыққа көмір жеткізілетін жақын маңдағы тоғыз пункт анықталды. Біз Баршында құрғақ қойма құрамыз, содан кейін тізімдер бойынша және әкімдіктің бақылауымен көмір тек халыққа сатылатын болады, – деді "Шұбаркөл Көмір" АҚ Бас директоры Сергей Ким.

"Шұбаркөл Көмір" АҚ жедел желісі: +7-702-784-92-22, +7-701-723-53-62.