Биыл Қарағанды облысының білім берудегі оқу-әдістемелік жобалары еліміздегі ең үздік жобалардың бірі болып танылды

Қарағанды облысының білім басқармасының базасында Үздік жұмыс тәжірибесін тарату бойынша республикалық семинар өтті. Өңір педагогтарының жобаларымен танысу үшін Маңғыстау, Қызылорда, Түркістан, Батыс Қазақстан, Шығыс Қазақстан, Алматы, Ақтөбе және Жетісу облыстарының оқу-әдістемелік орталықтарының мамандары келді.

Жыл бойы еліміздің әр өңірі өз жұмысын, оның ішінде оқу-әдістемелік құралдарды көрсетіп, Білім министрлігіне жобаларды ұсынады. Жыл соңында министрлік үздіктерді таңдап, оларды бүкіл республика бойынша дамытуды ұсынады. Биыл Қарағанды облысының білім беру саласындағы оқу-әдістемелік жобалары үздік деп танылды.

– Біздің оқыту әдістеріміз ұлттық құндылықтарға негізделген. Әріптестер мұны жоғары бағалайды және қызығушылық танытады. Біздің сайттарымызбен жұмыс жақсы. Әрбір аудандардағы барлық ауылдық мектептерде жұмыс істейтін сайттар бар, робототехника да ауылдарда жақсы дамып келеді. Семинар барысында облыстың ауылдық мектептері өз жобаларын ұсынды. Сондай-ақ, қатысушылар А. Құнанбаев атындағы мектеп-гимназия, Ә. Ермеков атындағы мектеп-лицейге және Қарағандыдағы № 2 оқушылар сарайына барып, өңірдің білім беру ұйымдарының жұмыс тәжірибесімен танысты, – деді Қарағанды облысының білім беруді дамыту оқу-әдістемелік орталығының директоры Бақытқұл Әбдікерова.

Семинарда мектепке дейінгі білім беру саласындағы, ауылдық және шағын жинақты мектептерді қолдау, функционалдық сауаттылықты арттыру және психологиялық қызметтерді дамыту бойынша облыстың білім беру жүйесінің жетістіктері ұсынылды – бұл "Табыс формуласы", "Қашықтан BOOM", "Web-шебер", "IT-сарапшы", "Жас математик" және т. б. жобалар. Қарағандылық педагогтар қонақтарға баланың жеке даму Картасына мониторинг жүргізу және электрондық толтыру әдістемесін көрсетті, білім беру процесінде "HR+" психологиялық-педагогикалық мониторингтің автоматтандырылған жүйесін қалай пайдаланатынын және тағы басқаларын көрсетті.