Қарағандылық құтқарушылар облыс тұрғындары мен қонақтарын суда қауіпсіздік ережелерін сақтауға шақырады

Қарағандылық құтқарушылар күн сайын облыстың су айдындарында профилактикалық іс-шаралар өткізеді. Бұл жағалау белдеулерін, шомылуға қауіпті және тыйым салынған орындарды айналып өту, демалушыларға суда жүріс-тұрыс ережелері бар жадынамалар табыстаумен нұсқау беру және әңгімелесу. Қазірдің өзінде 2000-ға жуық патрульдер мен рейдтер өтті, оның ішінде полиция қызметкерлерімен бірге.

Әкімшілік жауапкершілікке 245 адам тартылды.

Ең көп таралған бұзушылықтар – жабдықталмаған жерлерде шомылу, спирттік ішімдіктер ішу, жеке құтқару құралдарынсыз жүзу.

"Ортақ су пайдалану қағидаларын бұзу" әкімшілік құқық бұзушылық туралы кодекстің 364-бабына сәйкес тыйым салынған жерлерде шомылу ескертуге немесе екі айлық есептік көрсеткіш мөлшерінде айыппұл салуға әкеп соғады.

ӘҚБтК-нің 440-бабы бойынша алкогольдік ішімдіктерді ішкені үшін 5-тен 10 АЕК-ке дейін айыппұл салынады.

ӘҚБтК-нің 412-бабы бойынша су айдындарындағы қауіпсіздік ережелерін бұзғаны немесе орындамағаны немесе оларды сақтауға жауапты адам су айдындарындағы қауіпсіздік ережелерін бұзғаны немесе орындамағаны үшін 7-ден 60 АЕК-ке дейінгі айыппұл салынады.

Қайық немесе кемелерді, оның ішінде шағын көлемді қайықтарды пайдалану қағидаларын бұзғаны, сондай-ақ шағын көлемді қайықтарды жеке құтқару құралдарын кимей немесе тақпай басқарғаны үшін ӘҚБтК-нің 582-бабына сәйкес 5 АЕК мөлшерінде айыппұл көзделген.

Қарағанды облысының ТЖ департаменті өңір тұрғындары мен қонақтарын келесі ережелерді сақтауға шақырады:

- жабдықталмаған және тыйым салынған жерлерде шомылуға болмайды;

- мас күйінде суға кірмеу және шомылмау;

- балаларды қараусыз қалдырмау;

- қайықтардан, айлақтардан, сондай-ақ осы мақсаттарға бейімделмеген құрылыстардан суға секірмеу;

- тексерілмеген және жабдықталмаған орындарға сүңгуге болмайды;

- қалқымалардан әрі жүзбеңіздер;

- жағадан алыс жүзбеңіздер, өз күшіңізді асыра бағаламаңыздар;

- жүзуге арналмаған заттармен жүзуге болмайды;

- ересектердің сүйемелдеуінсіз балаларға суға түспеу;

- тәуліктің қараңғы уақытында шомылуға болмайды;

- жеке құтқару құралдарынсыз жүзу құралдарында болмау.

Қарағанды облысы ТЖД баспасөз қызметі