Үздік-гранттар: Қарағанды ІТ-хабында "Инкубатор" және "Акселератор" бағдарламаларының жеңімпаздары анықталды

Қарағандының “Террикон алқабы” ІТ-хабында кезекті "Инкубатор" және "Акселератор" бағдарламаларын қорытындылады. Жеңімпаздар өз жобаларын одан әрі дамытуға гранттар алды.

"Террикон алқабы" екі жылдан бері "Акселератор" және "Инкубатор" оқу бағдарламаларын жүргізіп келеді. Бұл кәсіпкерлік дағдыларын игеруге, жобасын талдауға, өсу нүктелерін анықтауға және пайданы арттыруға мүмкіндік беретін барлық адамдар үшін екі айлық тегін оқыту.

– "Инкубатор" бағдарламасы ісін жаңа бастаған кәсіпкерлер мен стартаперлерге бағытталған және оларға бизнесті нөлден бастап құруға көмектеседі. "Акселератор" бизнесті кеңейтуге және кірісті арттыруға көмектесуге арналған. Бағдарламалардың қорытындысы бойынша қатысушылар өз нәтижелерін демо күні ұсынады, онда қазылар алқасының мүшелері үздік жобаларды таңдап, гранттармен марапаттайды. Біздің айти хабымыздың басты мақсаты – жергілікті талантты мамандарды қолдау және бизнесті дамыту. Осындай бастамалардың арқасында біз қалада кәсіпкерлік саласын және жалпы экономиканы дамыта аламыз деп сенеміз, – дейді ІТ-хаб директоры Сабир Ниязов.

Кезекті лектің ақтық сайысына 12 команда түсті – "Акселератордан" алты компания және "Инкубатордан" алты компания. Олардың қатысушылары өз жобаларын қазылар алқасына ұсынуға мүмкіндік алды.

"Инкубатордан" командалар арасында алғашқы үш орынды ағынды суларды тазарту қондырғысы жобасы, iOS әзірлеушілеріне арналған DevTrainy қосымшасы және спорт әуесқойларына арналған Densau қызметі алды. Жобалардың әрқайсысы ұйымдастырушылардан әрі қарай әзірлеуге және дамытуға 400 мың теңгеден алды.

"Акселератор" түлектері "Яндекс Cloud" серіктестерінен 2 400 000 теңге көлемінде грант алу үшін күресті. Spoint компаниясы демо күннің триумфаторы болды. Олардың жобасының көмегімен тұтынушылар интерактивті картадағы немесе зауыт жоспарындағы жұмыстарды елестете алады, сондай-ақ шешім қабылдау үшін ақылды есеп бере алады.

14 шілдеде IT-хабта Жаңа "Акселератор" және "Инкубатор" ағыны басталады. Дәстүр бойынша үздік командалар оқу бағдарламаларының серіктестерінен гранттар алады.

Ол үшін terricon.kz сайтында өтініш беру керек: "Инкубатор", "Акселератор".