Қарағандылықтардың назарына Қаздрамтеатрдың қандай премьералары ұсынылмақ

Оркестр, спектакль афишалары, актерлердің фотосуреттері

– Сәкен Сейфуллин атындағы Қарағанды академиялық қазақ драма театры маусымды "Қош, махаббат" премьерасымен аяқтады.

– Бұл маусым біз үшін өте жемісті болды: біз түрлі фестивальдерге, соның ішінде шетелдік фестивальдерге қатысып, жүлделі орындарға ие болдық.

Мұқағали Мақатаевтың драмасы театр маусымын аяқтады. Спектакльді біздің көрермендер бағалады деп ойлаймыз, – дейді театрдың көркемдік жетекшісі, режиссер Айдын Салбанов.

Театр жылына сегіз спектакль қоюды жоспарлап отыр. Кеңес Жұмабековтің 75 жылдығына орай жаңа маусымда "Кеш" спектаклі қойылады. Музыкалық театр ретінде көрермендерді "Қыз Жібек" спектаклімен қуантады. Сондай-ақ, шақырылған режиссермен бірге шетелдік классикадан туынды қою жоспарлануда. 

Ал қазан айында труппа Астанаға гастрольге шықпақшы.

Театрда 48 актер қызмет етеді, олардың көпшілігі жастар.

Театр директоры Құрман Қалымов штатты жаңа кадрлармен толықтыруды жоспарлап отыр. Ол үшін Астана мен Алматыға барып, осы қалалардың театр оқу орындары түлектерінің дипломдық жұмыстарымен танысып, жастарды жұмысқа шақырды.

– 15 жас актерді жұмысқа орналастыру мүмкіндігін қарастырып жатырмыз. Жақында біз қуыршақ театрын ашып, алты адамды қабылдадық. Сондай-ақ бізге суретші, бейнеоператор, монтажер сияқты мамандар қажет. Облыста мәдениет қызметкерлеріне қолдау көрсетіледі: өткен жылдан бастап пәтер кілттері табыстала бастады. Бізге жас мамандар келеді деп үміттенеміз, – дейді Құрман Қалымов.