Қарағанды ІТ-хабы тегін бағдарламаларға қатысуға өтінімдер қабылдайды

"Террикон алқабы" ІТ-хабы жаңа топтарға өтінімдер қабылдай бастады. "Акселератор" бағдарламасында кәсіпкерлерге бизнесті дамытуға және масштабтауға көмектеседі. Стартаперлер "Инкубаторға" жазыла алады. Тегін бағдарламалардың басталуы – 14 шілде.

"Инкубатордан" өтіп, бастаушы ІТ-мамандар мен Digital-мамандар табысты стартапты іске қосып, грант ұтып алуға мүмкіндік алады.

Бағдарламада шақырылған сарапшылардың дәрістері, командаларға арналған воркшоптар – идеяны таңдаудан бастап қаржыландыруды тартуға дейін, өнімді дамытудың барлық кезеңдерінде трекермен сессиялар, сондай-ақ кәсіпкерлік қызмет мәселелері бойынша қолдау және кеңес беру қарастырылған.

"Инкубатор" финалында командалар өздерінің стартаптарын инвесторларға ұсына алады және жобаларды одан әрі дамыту үшін ақшалай сыйлық ұтып алады.

Жазылу terricon.kz сайтында.

 

"Акселератор" оқыту бағдарламасы ШОБ субъектілері үшін дайындалған. Бұл бизнесті жүргізудің негізгі дағдыларын дамытуға және компанияны масштабтауға мүмкіндік береді.

Тәжірибелі трекерлерден, инвесторлардан және өз саласының мамандарынан тренингтер, шеберлік сыныптары мен семинарлар жоспарланған. Қатысушылар пікір алмасып, көптеген пікірлес адамдар арасында серіктестер таба алады.

Үздік командалар өз жобаларын инвесторларға ұсынады және грант ұтып алу мүмкіндігіне ие болады.

Жазылу terricon.kz сайтында.

 

"Террикон алқабы" ІТ-хабының мекенжайы: Алалыкин көшесі, 12.

Іс-шаралар Қарағанды облысының ақпараттандыру, мемлекеттік қызметтер көрсету және мұрағаттар басқармасының қолдауымен өткізіледі.