Қарағанды қаласының орталығында шағын саябақтар ашылады

Қарағандыда Нұркен Әбдіров даңғылы абаттандырылуда. Жаз соңына дейін екі шағын саябақ ашылады.

Нұркен Әбдіров даңғылындағы 22/1 және 34/1 үйлердің жанындағы саябақтарда абаттандыру жұмыстары басталды. Олар Қазыбек би атындағы аудан әкімі аппаратының бақылауында. Қала тұрғындарының демалуы үшін екі алаңды жобалаумен урбанистика орталығы айналысты.

"Бір алаңның жалпы ауданы 1500 шаршы метр, екіншісі – 1015. Аумақта балалар ойын кешендері, демалуға арналған перголалар, орындықтар, гүл вазондары болады. Бұл ретте жоба бойынша барлық жасыл желектер сақталатын болады. Шатырлардың астында демалушыларға арналған үстелдер мен орындықтар болады. Онда адамдар тамақтана немесе үстел ойындарын ойнай алады", – деді Урбанистика орталығында.

Ашық алаңдардың периметрі бойынша жарықтандыру тіректері орнатылады. Бұрын бұл жерлерде ойын-сауық орындары болған.

"Біз саябақтарды абаттандыру жұмыстары аудан тұрғындары үшін қолайлы жағдай жасауға және қаламызды тартымды етуге көмектесетініне сенімдіміз, – деп атап өтті Қазыбек би атындағы аудан әкімдігінде. – Жұмыс барысы туралы біз әлеуметтік желілер арқылы хабарлайтын боламыз. Екі алаңды ұйымдастырумен бір мердігер компания айналысады. Олар алаңдарды тамыз айында тапсыруға уәде берді".