Балқашта "Киберпол" арнайы бөлімшесі іске қосылды

Балқашта интернет-алаяқтармен және киберқылмыспен күрес күшейтіледі. Қалалық полиция бөлімінде "Киберпол" арнайы бөлімшесі құрылды.

Жаңа бөлім заманауи зертханамен жабдықталған және бірыңғай терезе қағидаты бойынша жұмыс істейді. Зардап шеккендердің өтініштері дереу тергеушілерге түседі, олар іс жүргізеді. 

– Облыстық полиция департаментінде киберқылмысқа қарсы күрес бөлімшесі жұмыс істейді. Балқаш ПБ-де киберқылмыспен күрес жөніндегі топ та жұмыс істей бастайды. Оған жедел уәкілдер, тергеушілер, сондай-ақ IT-мамандар кіреді, – дейді Қарағанды облысы ПД бастығының орынбасары Әбіл Әбілдин. – Топтың міндеті – интернет-алаяқтық туралы барлық хабарламаларға дереу жауап беру, қылмыстың осы түрін сапалы тергеу және ашу.

Сондай-ақ, жақын арада Балқашта қалалық чаттарды, әкімдік пен құқық қорғау органдарының сайттарын қосатын Call-орталық іске қосылады.

Бұған дейін Қарағанды облысының полиция департаментінде киберқылмыспен күрес жөніндегі жаңа бөлім таныстырылды. Оның құрамына тәжірибелі тергеушілер, жедел уәкілдер мен криминалистер кіреді. Сондай-ақ, киберкеңістіктегі қылмыстарды ашуға жетекші IT-компаниялардың бірінің мамандары мен Б. Бейсенов атындағы ІІМ Қарағанды академиясының қызметкерлері тартылды.