Қарағанды облысының тұрғындары МӘМС аясында 120 мыңнан астам КТ және МРТ зерттеулерінен тегін өтті

МӘМС жүйесін енгізумен Қарағанды облысының тұрғындары үшін КТ және МРТ қолжетімді бола түсті. Өткен жылы пациенттер 123,5 мың рет тегін қымбат зерттеулерден өтті.

Медициналық сақтандыру жүйесі енгізілгенге дейін КТ және МРТ-ға тегін жолдамалар шектеулі мөлшерде және азаматтардың әлеуметтік қорғалмаған санаттары үшін ғана берілетін.

Салыстыра кетсек, өткен жылдың бірінші тоқсанында Қарағандының № 1 көпсалалы ауруханасында бұл зерттеулерден 974 пациент өтті. 2020 жылдың осы кезеңінде олардың саны 200-ге де жетпейтін. Барлығы 2022 жылы көпсалалы ауруханада 2 мыңға жуық сақтандырылған пациент КТ және МРТ өтті. Дәрігерлер зерттеулер санының өсуін медициналық қызметтердің қолжетімділігінің артуымен байланыстырды.

– Бұл жерде кез келген зерттеулер пациенттің қалауы немесе талабы бойынша емес, айғақтар бойынша жүргізілетінін еске салғым келеді. КТ/МРТ жүргізу қажеттілігі бар ма, оны дәрігер бекітілген стандарттар мен диагностика және емдеу хаттамаларына сәйкес анықтайды, – дейді Қарағанды № 1 көпсалалы емхана директорының орынбасары Радмила Ғабдракипова.

Медициналық сақтандыру қорының Қарағанды филиалының ақпараты бойынша