Қарағандыда қала шетіндегі қараусыз қалған саябақты қалпына келтіріп жатыр

Қарағандыда Пришахтинск саябағы қалпына келтіріле бастады. Ол ұзақ уақыт бойы қараусыз қалып, құлдырап кеткен еді. Бюджеттен абаттандыруға қаражат бөлінді. Енді бұл жер серуендеуге және демалуға қолайлы етіп жөнделетін болады. Ыңғайлы жаяу жүргіншілер жолдары салынып, спорт және ойын алаңдары орнатылады.

Облыс әкімі Ермағанбет Бөлекпаев жұмыс сапары барысында Әлихан Бөкейхан ауданының тұрғындары үшін тағы қаедай жағдай жасалып жатқанын тексерді.

23-ші шағын аудандағы саябақта дайындық жұмыстары жүріп жатыр. Мұнда ескі қоршау толығымен жойылады. Жарықтандыру қалпына келтіріледі. Қазір арнайы техника жаяу жүргіншілер жолына негіз дайындауда. Содан кейін төсеніштер төселіп, орындықтар мен урналар орнатылады.

Саябақтың ортасында бұрын жергілікті тұрғындар жиналғанды ұнататын үлкен алаң болған. Бұл жер абаттандырылады. Сондай-ақ, футбол және баскетбол ойындарына арналған алаңдар, балалар ойын кешендері салынады.

Барлық жасыл желектер сақталады. Тек құрғақ шөпті орып, демалыс орнын арамшөптер мен қурап қалған өсімдіктерден тазалау керек. Қарағанды әкімі Мейрам Кожуховтың айтуынша, болашақта саябақта пикникке арналған аймақтар жабдықтау жоспарлануда.

- Бірде бір ағашты кесіп тастауға жол бермейміз, барлық жасыл желектер сақталуы тиіс. Қурап қалған өсімдіктерден арылуға көмектесетін мамандарды шақырыңыздар. Жұртшылықпен бірге жұмыстың сапасын бақылаңыздар. Бұл саябақ Пришахтинск тұрғындарының сүйікті демалыс орнына айналуы үшін бәрін жасаңыздар. Болашақта аттракциондар да пайда болуы керек, бизнес өкілдерін тартыңыздар, - деді Ермағанбет Бөлекпаев.

Сонымен қатар, Пришахтинскіде шығармашылықты дамыту орталығы салынады. Облыс әкімі құрылыс алаңында болып, мердігер ұйымның басшысымен сөйлесті. Ол ешқандай кедергі жоқ деп сендірді, құрылысты бастауға  барлығы дайын.

Нысан 2024 жылы тапсырылуы тиіс. Бөлме кең екі қабатты болады. Балаларды дамыту үшін қажет нәрсенің бәрі қарастырылған: музыка, сурет, сәулет, теледидар және фото студиялары, робототехника зертханасы, экологиялық орталық және тағы басқалар.

Ермағанбет Бөлекпаев бұл күні сонымен бірге Сұрыптау шағын ауданында да болды. Мұнда Теміржолшылар МҮ жанында саябақ абаттандырылады. Тұрғындар қала билігінен бұл аумақты жақсартуды сұраған. Осы жазда жұмыстар жүргізіледі: қырлы тас төселеді, жүгіру және веложолдар жасалады, спорт алаңдары мен ойын кешендері орнатылады. Сонымен қатар, иттерді серуендеуге арналған алаң пайда болады.