Жас әртістер Қарқаралы ауданындағы театр фестивалінде өз шеберліктерін көрсетті
"Бауырсақ" жаңа оқылымда, Алдар көсенің шытырман оқиғалары және тағы басқалар – Қарқаралы ауданында КСРО Халық әртісі Қалибек Қуанышбаевтың туғанына 130 жыл толуына арналған "Шолпан" екінші жасөспірімдер театр фестивалі өтті. Шолпан Жандарбекова атындағы мәдени-демалыс орталығының сахнасында жеті театр ұжымынан 70-тен астам жас таланттар актерлік шеберліктерін көрсетті.
Олар көрермендердің назарына түрлі жанрдағы қойылымдарын ұсынды.
Жас әрі дарынды режиссер Алдиярхан Кәрімнің жетекшілігімен Аппаз ауылының театр ұжымы көрермендерге "Бауырсақ" орыс халық ертегісін ұсынды. Шығармашылық труппа қойылым сценарийін 180 градусқа өзгертті және көрермендерді ертегінің дерексіз нұсқасымен таныстырды. Сюжетке көлеңкелер ойыны, заманауи хореография және баяндаудың ерекше тәсілі енгізілді. Әзілкеш-авторларының бірінің рөлін 11 жасар Еркеназ Мақан сомдады. Қыз алтыншы сыныпта оқиды, ал екі жыл театр үйірмесіне қатысады.
– Мен үйірмеге екінші жыл қатысып келемін. Маған өте ұнайды. Әзілілкеш-автор рөлі маған ұнады. Біз көрермендерді қызықтыру үшін ертегіні шығармашылық ерекшелікпен ұсынуға тырыстық, – дейді Еркеназ. – Біздің ертегіде бауырсақтың атасы мен әжесі болған жоқ, ал сюжет көрермендерді үлкен істерге итермелейді. Ол қандай жағдай болмасын, сіз өз мақсаттарыңызды, арманыңызды орындауыңыз керек деп сендіреді.
Қойылымдағы басты рөлдердің бірін 12 жасар Сәнім Рымбай сомдады. Сахнадағы түлкі бейнесін шебер орындағаны үшін ол "Үздік қыз рөлі" номинациясына ие болды.
– Мен актерлік өнермен бір жылдан астам айналысып келемін. Маған өте ұнайды. Бізді ынталандыратын шығармашылық көшбасшымыз бар. Болашақта мен актриса болғым келеді. Бірақ ол үшін көп еңбек ету керек. Мен осындай номинацияға ие болғаныма қуаныштымын, – деді Сәнім.
"Бауырсақ" қойылымы үшін Аппаздық жас актерлер ұжымы Гран-приге ие болды. Бұл осы ұжымның қоржынындағы екінші Гран-при. Өткен жылы фестивальде олар "Жусан иісі" қойылымы үшін жоғары марапатқа ие болды.
"Шолпан" фестивалі ауданда екінші рет өткізілуде. Қазір оқушылар негізінен гаджеттерден бас көтермейді. Біз олардың мәдени тұрғыдан да дамығанын қалаймыз. Сондай-ақ, осындай іс-шаралардың арқасында біз эстетикалық талғамға тәрбиелейміз, – дейді фестиваль ұйымдастырушылары. – Жас актерлердің барлық қойылымдары ойластырылған, креативті".
"Үздік ер бала рөлі" номинациясы М. Бапиұлы атындағы № 44 жалпы білім беретін мектепте оқитын Айбын Омарбайға берілді. Ол "Сиқырлы дүрбі" қойылымында Алдар көсе рөлін сомдады. Спектакльдің өзі бірінші орынға ие болды.
Екінші орынды Қарабұлақ ауылының жас әртістері мен Ә. Ермеков атындағы № 2 ЖББМ оқушылары бөлісті. Ұжымдар Р.Мұқанованың "Мәңгілік бала бейнесі" және М. Мақатаевтың "Аққулар ұйықтағанда" қойылымдарын ұсынды.
Үздік үштікті Егіндібұлақ және Ақбай-Қызылбай ауылдарының әртістері түйіндеді. Олар М. Мағауиннің "Бір атаның балалары" және "Ашаршылық" қойылымдарымен көрермендерді таң қалдырды.
Теректі ауылының оқушылары Ә.Кекілбаевтың "Бір шоқ жиде" спектаклі үшін алғыс хат алды.
Фестивальдің барлық қатысушылары бағалы сыйлықтармен марапатталды.
