Қарағандылық паражүзуші Азия рекордын орнатты

Қарағандылық спортшы Сергей Кинах Берлинде (Германия) жүзуден Әлем кубогының сериясында екі қашықтықтан күміс жүлде жеңіп алды. Сонымен қатар, ол Азия рекордын орнатты.

Халықаралық біріншілікке 50 елден 400-ден астам спортшы қатысты.

Қарағанды облысынан ұлттық құрама сапында паражүзуші Сергей Кинах өнер көрсетті. SB9 классында екі қашықтықта ол күміс жүлдегер атанды және 200 м брасспен 3.03.36 секундта жүзіп, Азия рекордын орнатты.

Спортшыны Наталья Манохина жаттықтырады.

Қарағанды облысының дене шынықтыру және спорт басқармасының ақпараты бойынша