Қарағанды бейнелеу өнері мұражайында картиналар "тіріледі"

Қарағанды облыстық бейнелеу өнері мұражайы 17 мамырда "Мұражайдағы түн" акциясын ұйымдастырады. "Өнер әлемі – уақыт арасындағы саяхат" көркем-музыкалық қойылымында көрермендер "тірілген" картиналарды көреді. Акция Халықаралық мұражайлар күніне арналған.

Қарағандылықтарды өткенге көшіру үшін мұражай қызметкерлері уақыт машинасының орнына картиналарды пайдаланады. Бір кеште бірден бірнеше тарихи кезеңге жетуге болады: ежелгі петроглифтер, Ренессанс және Леонардо да Винчи, еуропалық кескіндеме – Жак-Луи Дэвид, Пабло Пикассо, Ван Гог, Густав Климт, Қазақстан және Қарағанды өнері – Салихитдин Айтбаев, Виктор Крылов.

Атақты суретшілердің суреттері естелік фотосуреттерге арналған декорация болады.

Сондай-ақ, Қарағандының жас музыканттарының концерті, заманауи суретшілер мен тәттілердің шеберлік сабақтары жоспарланған.

"Мұражайдағы түн" акциясының уақыты: 19:00–22:00.

Кіру билет құны бойынша.

Мұражайдың мекен-жайы: Бұқар жырау даңғылы,76.

Анықтама телефоны: 475-475.