Қарағанды облысының паражүзушілері Сингапурда Дүниежүзілік серия кезеңінің 10 медалін жеңіп алды

Қарағанды облысының спортшылары пара жүзуден әлемдік серия кезеңінде 10 медаль жеңіп алды. Ұлттық құрамада Андрей Афанасьев, Диас Кенжебек, Наталья Звягинцева және Роман Потапов өнер көрсетті.

Паражүзу бойынша әлемдік серия кезеңі Сингапурда өтті. Су жолақтарына 22 елден 177 спортшы шықты. Төрт қарағандылық әлемдегі ең мықты паражүзушілермен лайықты қарсыласа алды. Олардың барлығы үйлеріне медальдармен оралды.

Андрей Афанасьев алтын алды (100 м – брасс).

Диас Кенжебек – алтын (200 м – кешенді жүзу), күміс (100 м – еркін стиль) және қола (100 м – брасс).

Наталья Звягинцева үш күміс жүлдеге ие болды (100 м – фристайл, 50 м – баттерфляй, 100 м – арқамен) және қола (50 м – фристайл).

Роман Потапов екі рет екінші болды (100 м – брасс, арқамен 100 м).

Наталья Звягинцева мен Роман Потапов 2023 жылдың шілде – тамыз айларында Манчестерде (Ұлыбритания) өтетін әлем чемпионатының нормативін орындады.

Андрей Афанасьев ондай мүмкіндікті өткен жылы алған болатын.

Қарағанды облысының дене шынықтыру және спорт басқармасының ақпараты бойынша