Қарағанды облысындағы жылжымалы кешендерде 28 мыңнан астам ауыл тұрғыны медициналық тексеруден өтеді

Жеті жылжымалы медициналық кешен Қарағанды облысының шалғайдағы елді мекендерін аралап, ауыл тұрғындары тексерулерден өтіп, кеңес ала алады. 2023 жылға өңірдің барлық ауылдық аудандары мен Приозерск қаласының 28 мыңнан астам тұрғынын тексеру жоспарланған.

Абай ауданының орталық аудандық ауруханасының жылжымалы медициналық кешені ақпан айынан бастап жұмыс істейді. Дәрігерлер ауылдарға аптасына екі рет барады. Балалар тобының құрамында хирург, невропатолог, эндокринолог, офтальмолог, стоматолог, педиатр және ультрадыбыстық зерттеу және ЭКГ дәрігерлері бар. Ересектерді кардиолог, отоларинголог, офтальмолог, стоматолог, хирург, эндокринолог, акушер-гинеколог, терапевт, ультрадыбыстық дәрігер, ЭКГ қабылдайды.

Үш айда кешен сегіз ауылды аралап шықты, дәрігерлер 1,7 мыңнан астам адамды тексерді, оның 108-інде қан айналымы жүйесінің, қалқанша безінің, сүт бездерінің аурулары, грыжа және басқалары анықталды, 70 адам қосымша тексеруге жіберілді. Жыл соңына дейін Абай ауданының тағы 2,4 мың тұрғынын тексерумен қамту жоспарлануда. Дәрігерлерді қабылдау тегін медициналық көмек пен МӘМС кепілдендірілген көлемі шеңберінде жүргізіледі.

– Көшпелі тексерулердің арқасында аурулардың анықталуы артты. Пациенттер тексеріліп, бақылауда болады. Оларға сауықтыру шаралары өткізіледі. Көп жағдайда адамдар шалғай ауылдарда медициналық көмекке қол жеткізу қиын болғандықтан тексеруге қуана келеді, – дейді Абай ауданының орталық аудандық ауруханасының статистикалық дәрігері Наталья Сидоренко.

Медициналық сақтандыру қорының Қарағанды филиалының ақпараты бойынша