Қарағандылық парадзюдошы Азия чемпионатында алтын жеңіп алды
Қарағандылық спортшы Даяна Федосова парадзюдодан Азия чемпионатының жеңімпазы атанды.
Мүгедектік спорт бойынша облыстық мамандандырылған мектептің тәрбиеленушісі нашар көретін спортшылар арасында J2 санатында (салмағы – 57 кг) өнер көрсетті.
Жарыс Жақсылық Үшкемпіров атындағы жекпе-жек сарайында (Астана қаласы) өтті. Татамиде Азияның 11 елінен 100-ге жуық үздік дзюдошылар шықты.
Даяна Федосова төрт жекпе-жек өткізді. Парадзюдошы барлық қарсыластарын жеңді. Нәтижесінде алтын медальға ие болды.