Абай және Қарқаралы аудандарында мемлекеттік қызметшілерге арналған оқу-тәжірибелік семинарлар өтті

Абай және Қарқаралы аудандарында мемлекеттік қызметшілерге арналған оқу-тәжірибелік семинарлар өтті. Кездесуге қатысушылар 2025 жылға дейін жергілікті өзін-өзі басқаруды дамыту тұжырымдамасымен танысты.

Оған аудандық маңызы бар қалалардың, ауылдардың, кенттердің және ауылдық округтердің 200-ге жуық әкімдері, сондай-ақ аппарат қызметкерлері мен жергілікті қоғамдастық жиналыстарының төрағалары қатысты.

Семинарда "ҚР-дағы жергілікті өзін-өзі басқару туралы" Заңға енгізілген өзгерістер туралы айтылды.

– Кез келген саяси жаңғырудың басты мақсаты азаматтардың мемлекетті басқарудағы рөлін арттыру болып табылады. Олардың қоғамдастық мүшелері ретінде жергілікті қамтудың аса маңызды мәселелерін шешуге қатысуы, – деп атап өтті Қарқаралы ауданы Н. Нұрмақов атындағы ауылдық округінің әкімі Талғатбек Біләлов.

Сондай-ақ, семинарға қатысушылар жергілікті өзін-өзі басқару белсенділерімен тәжірибе алмасып, өздерін қызықтырған сұрақтарын қоя алды. Проблемалық мәселелерді талқылағаннан кейін сындарлы ұсыныстар айтылды. Кейіннен олар орталық мемлекеттік органдарда қаралатын болады.

Семинар-практикумның ұйымдастырушысы – ҚР Ұлттық экономика министрлігі.

Қарағанды облысының экономика басқармасының ақпараты бойынша