Франциядан келген фотограф Қарағандыда өз жұмыстарын ұсынады

Қарағандыда 24 сәуірде француз фотографы Жан-Марк Годестің "Тірі кітаптар" атты жеке көрмесі ашылады. Қала тұрғындары бес күн ішінде арт-жобаны көріп, ол туралы өз әсерлерін жинай алады.

Жан-Марк Годестің жұмыстары Еуропа, Канада, Қытай, Үндістан елдерінде қойылған. Фотограф өз өмірін фотография арқылы кітапты насихаттауға арнаған. Сондықтан көрме Н. В. Гоголь атындағы облыстық ғылыми кітапханада өтетіні кездейсоқ емес.

Жан-Марк Годестің туындылары – өмір мен кітап арасындағы қиялдағы қарым-қатынастың поэтикалық көрінісі. Фотографтың жұмысы өнер, фотография, поэзия, әдебиет және тіпті театрдың қиылысында орналасқан.

Көрменің басталуы сағат 17:00-де.

Жан-Марк Годес сонымен қатар фотографтарға арналған шеберлік сабағын өткізеді.

Ал 25 сәуірде Қарағанды тұрғындарының фототүсірілімге қатысуға мүмкіндігі болады. Жан-Марк Годес кітаптарға арналған фотоколлекциясын толтырғысы келеді. Instagram арқылы жазылуға болады: @af.qaraghandy.

Бұл іс-шаралар Францияның Қазақстандағы Елшілігі Қазақстанның Француз альянстарының желісімен бірлесіп жыл сайын өткізетін "Франкофондық көктем-2023" мәдени маусымының аяқталуы болмақ.