Қарағанды облысы Наурыз тойлап жатыр
Қарағанды облысында Наурыз мейрамының құрметіне барлық қалалар мен аудандарда мерекелік іс-шаралар мен халықтық мерекелер өтуде.
Көктемгі күн мен түннің теңелу мейрамында ауа-райы да жұртшылықты қуантуда: көктемгі күн шуақты және жылы.
Қарағанды қаласының орталық саябағына адамдар көп келуде. Мерекеге мыңдаған адамдар жиналды.
Саябақтың аумағы этноауылға айналды – киіз үйлер, қолөнершілер шатырлары, тағамдар тарату аймақтары.
Мереке кәсіби және көркемөнерпаздардың қатысуымен "Қош келдің, әз Наурыз" театрландырылған қойылыммен ашылды.
Наурыз ертегісінің бас кейіпкері Қыдыр-атаны барлық жерде кездестіруге болады: сахнада ғана емес, көрермендер арасында да.
Көптеген адамдар халықтық мерекелерге ұлттық киіммен келді.
– Наурыз – табиғаттың жаңаруы мен оянуының мерекесі! Ұлыстың ұлы мерекесінде тілеген ақ тілектеріңіз орындалсын. Халқымыздың бірлігі мен ынтымағымыз жарасып, мемлекетіміз әрдайым көркейе берсін. Әр шаңыраққа бақыт, береке тілеймін! – деп қарағандылықтарды облыс әкімі Ермағанбет Бөлекпаев құттықтады.
Наурыз – түрлі халықтарды біріктірген жалпыға ортақ сүйікті мереке.
– Біздің көпұлтты елімізде Наурызды атап өтуді ұнатпайтын адам жоқ шығар. Бұл көктемнің керемет жаңару мерекесі, біз бәріміз оны жақсы өзгерістердің басталуымен байланыстырамыз. Мен әркімнің арманы міндетті түрде орындалатынына сенемін, – дейді Лилия Ким, корейлердің облыстық этномәдени бірлестігінің төрайымы.
Барлық үйлерде бейбітшілік пен өркендеу, "Полония" облыстық поляк қоғамының төрағасы Виталий Хмелевский Наурызда бақыт пен амандық тіледі.
Әр киіз үйдің жанында концерттер мен ойындар ұйымдастырылды.
Ішке кіріп, оның безендірілуімен танысуға болады.
Киіз үйлердің бірінде балалар өнер мектептерінің жас шеберлері мен суретші-тәрбиеленушілерінің көрмесі ұсынылған.
Сондай-ақ, ұлттық спорт түрлері бойынша жарыстар өткізіледі, онда барлық тілек білдірушілер күш пен ептіліктерін сынай алады.
Балалар мен жастар үшін алтыбақан әткеншегі орнатылды.
Аңшы иттер мен аңшы құстармен суретке түсуге болады.
Сонымен қатар, саябақта наурызға бірнеше фотоаймақ дайындалды.
Мерекелік іс-шаралар жалғасуда.
Қазақстандық эстрада жұлдызы Қуандық Рахымның қатысуымен концерт өтеді.
