Қарағанды облысында халқтың әлеуметтік осал топтарына жататын әйелдер 8 наурызға орай төлемдер мен азық-түлік себеттерін алады

Халықаралық әйелдер күнін мерекелеу құрметіне қолдау шараларымен халықтың әлеуметтік осал топтарынан жалпы сомасы 17 миллион теңгеге 6573 әйел қамтылады.

Приозерск пен Ақтоғай ауданындағы жергілікті бюджет қаражатынан балалары мектепке дейінгі білім беру ұйымдарына баратын көп балалы аналарға материалдық көмек беріледі. Ал Саранда оны ең төменгі зейнетақымен лайықты демалыста жүрген әйелдер алады.

Бюджеттен тыс көздерден басқа қалалар мен аудандардың тұрғындарын да мерекемен құттықтайды. Мәселен, азық-түлік жиынтықтары келесі санаттағыларға тиесілі:

- Қарағандыда – зейнеткерлер мен мүгедектігі бар әйелдерге үйде әлеуметтік көмек көрсету бөлімшелері қызмет көрсететіндерге;

- Балқаш және Саран қалаларында – мүгедектігі бар тұрғындарға;

- Бұқар Жырау ауданында – әлеуметтік осал отбасыларға;

- Ақтоғай ауданында – зейнеткерлерге, мүгедек әйелдерге, аз қамтылған және көп балалы отбасыларға;

- Шахтинск қаласында – мүгедек тұрғындар, зейнеткерлер, аз қамтылған отбасыларға;

- Приозерск қаласында – жалғыз басты зейнеткерлерге;

- Абайда – аз қамтылған және көп балалы отбасыларға.

Сонымен қатар, Қарағанды, Приозерск, сондай-ақ Ақтоғай, Бұқар Жырау және Осакаров аудандарында қайырымдылық акциялары жоспарланған. Мерекелік түскі асқа мүгедек әйелдер, зейнеткерлер, сондай-ақ аз қамтылған және көп балалы отбасыларындағы әйелдер шақырылады.

Бұқар Жырау және Нұра аудандарында халықтың әлеуметтік осал топтарынан шыққан әйелдерге көмір сатып алуға көмектеседі.

Қарағанды облысының жұмыспен қамтуды үйлестіру және әлеуметтік бағдарламалар басқармасының ақпараты бойынша