Қарағанды қаздрамтеатрында «Атау кере» драмасының премьерасы өтеді

Сәкен Сейфуллин атындағы Қарағанды облыстық академиялық қазақ драма театрында 23, 24 және 25 ақпанда прозашы Оралхан Бөкейдің «Атау  кере» драмасының премьерасы өтеді. Режиссер – Айдын Салбанов.

– Оралхан Бөкей ерекше тұлға болған. Ол өз туындыларында адам жанының барлық түстерін аша білген. Табиғатты керемет сипаттаған. Қойылым үшін мен «Атау кере» романын таңдадым, өйткені онда адамның руханиятына қатысты көптеген сұрақтар туындайды. Олардың ішіндегі басты және түбегейлі сұрақ – «неге біз?..». Бұл адамның моральдық табиғаты, жақсылық жасауға деген ұмтылысы туралы роман. Біздің қолымыздан келгеннің бәрін көрермендер бағалайды. Егер олар осы шығарманың мағынасына еніп, өздері үшін қорытынды жасаса, мен қуаныштымын, – деді Айдын Салбанов.

Басты рөлдерді театр актерлері – Айдос Нұрмағамбетов, Бауыржан Нұрмағанбетов, Әнелі Сағындықова, Саягүл Тәшімбекова және басқалар сомдайды.

Билеттерді театр кассасынан және Ticketon веб-сайтынан сатып алуға болады.

Анықтама телефондары: 41-39-89, 8-701-911-76-76, 8-776-580-88-87.