Қарағанды облысында дәстүрлі ән айту бойынша балалар байқауының қорытындысы шығарылды

Өңірдегі балалар музыкалық мектептері мен өнер мектептерінің оқушылары арасында VII облыстық "Дәстүрлі әнге құрмет – бізге міндет" дәстүрлі ән байқауының жеңімпаздары анықталды.

Бас жүлдеге № 1 Қарағанды БММ оқушысы Мағжан Мыңбаев ие болды.

Музыкалық сайысқа үш жас санатында Қарағанды, Теміртау, Абай, Қарқаралы, Топар, Бұқар Жырау, Шет және Ақтоғай аудандарынан келген жас таланттар қатысты.

Бас жүлдені Қарағанды қаласының № 1 БММ оқушысы 9 жасар Мағжан Мыңбаевқа кәсіби қазылар алқасы табыс етті. Байқауда ол "Ақерке" және "Хаулау" (Жаяу Мұса) халық әнін орындады.

– Мағжан 4-сыныпта дәстүрлі ән бөлімінде оқиды. Өткен жылы Қызылордада өткен "Інжу маржан" байқауында бас жүлдеге ие болды. Жақында "Мен де жұлдыз боламын" жобасына қатысып, Түркия мен Мәскеуге сапар жеңіп алды. Бұл байқауда ол 56 қатысушы арасында бас жүлдеге ие болды, – деді жеңімпаздың оқытушы Нұрслан Сайдалин.

Кіші топта бірінші орынды Қарағанды қаласының № 1 БММ оқушысы Зере Қалкен, орта топта Доскей ауылының "Мирас" БӨМ оқушысы Аңсар Әбдірахман, жоғары жас санатында бірінші орынды Абай қаласының БММ Алуа Ақшалова иеленді.

Аңсар Абдрахман дәстүрлі ән айтумен бір жылдан астам уақыт айналысады. Бұған дейін ол эстрадаға құмар болған.

– Бұл Аңсар үшін дәстүрлі ән айту бойынша алғашқы байқау болды және ол бірден жақсы нәтиже көрсетті. 40 баладан тұратын орта топта ол бірінші орынды иеленді. Аңсар Ахмет Байтұрсынұлының "Аққұм" әнін және "Баянауыл" халық әнін орындады, – дейді "Мирас" БММ оқытушысы Қуаныш Дүйсенбеков.

Байқаудың ұйымдастырушылары – "Сарыарқа дарыны" өңірлік қосымша білім беру ғылыми-практикалық орталығы және Қарағанды қаласының № 1 балалар музыкалық мектебі.