Қарағандылықтарды Қаздрамтеатр актері Кеңес Жұмабековпен кездесуге шақырады

Сәкен Сейфуллин атындағы академиялық қазақ драма театрының актері Кеңес Жұмабековтың 75 жылдығына орай қарағандылықтар мен қала қонақтарын 16 ақпанда сағат 15:00-де "Театр – тарланы, сахна – санлағы" атты шығармашылық кездесуге шақырады. Кіру тегін.

Кеңес Жұмабеков – Қазақстанның еңбек сіңірген әртісі, Қазақ КСР Мемлекеттік сыйлығының лауреаты, "Еңлікгүл" театр сыйлығының лауреаты, "Мәдениет қайраткері" белгісімен марапатталған. 

1968 жылы Қазақ драма театрының жанындағы студияны бітіріп, сол жылы Қарағанды облыстық қазақ драма театрының сахнасында "Әке тағдыры" спектаклінде Жеңісбек рөлінде дебют жасады.

Кеңес Жұмабековтың репертуарында драмалық және комедиялық рөлдер: Қозы, Жантық (Ғ. Мүсіреповтің "Қозы Көрпеш — Баян сұлу"), Жапал, Нарша (М. Әуезовтің "Еңлік-Кебек" және "Қаракөз"), Жан (О. Бөкеевтің "Менің құлыным"), Ғани (А. Сатаевтың "Дала жастары") Ақ-жігіт (М. Кәрімнің "Ай тұтылған түні"), Малкольм (у. Шекспирдің "Макбеті") және т. б.

Кеңес Жұмабеков драматург ретінде де танымал. Оның "Замана неткен тар едінің", "Қаз дауысты Қазыбек би", "Ата парызы" пьесалары бойынша Қарағанды және Батыс Қазақстан облыстық театрларының сахналарында спектакльдер қойылды. Ол діни сауатсыздық мәселелеріне арналған "Адасқандар" драмасын жазды. Тұсаукесері Қаздрамтеатр сахнасында өтті, қойылым еліміздің көптеген театрларында гастрольдік сапар бапысында қойылды.

Кеңес Жұмабеков Сәкен Сейфуллин атындағы Қарағанды облыстық қазақ драма театрының директоры болды.

Анықтама телефондары: 8-705-170-70-23, 8-701-623-21-50.