Қарағандылық "Сарыарқа" ойыншылары ҚР құрамасының құрамында ХХХ Дүниежүзілік қысқы Универсиадада қола жүлдеге ие болды

Қарағандылық "Сарыарқа" хоккей клубының ойыншылары Қазақстан құрамасының құрамында ХХХ Дүниежүзілік қысқы Универсиадада қола медаль жеңіп алды. Универсиада-2023 12—22 қаңтар аралығында АҚШ-та Лейк-Плэсидте өтті.

Қазақстанның студенттер құрамасында ел намысын "Сарыарқа" хоккейшілері Руслан Демин, Саян Данияр, Иван Гавриленко және Денис Қаратаев қорғады.

Біздің команда Оңтүстік Кореяны (5:1), Венгрияны (9:1), Ұлыбританияны (15:1), Словакияны (4:0) жеңіп, АҚШ-тан (1:4) және Канададан (1:4) есебімен ұтылды.

Қазақстан құрамасы үшінші орын үшін Жапониямен күресті. Кездесу 8:1 есебімен біздің жеңісімізбен аяқталды.

Универсиаданың жеңімпаздары канадалықтар, күміс жүлдегерлер – американдықтар болды.

Қарағанды облысының дене шынықтыру және спорт басқармасының ақпараты бойынша