Қарағанды облысындағы "Әнет баба" мешітінде 100 отбасы азық-түлік себетін алды

"Әнет баба" мешітінің еріктілер тобы Қарағанды облысы бойынша "Зекет және қайырымдылық" қорының жауапты өкілі Мирас Ерланұлының жетекшілігімен әлеуметтік көмекке мұқтаж 100 отбасына, оның ішінде көп балалы және жалғызбасты аналарға азық-түлік себеттерін тапсырды.

– Қиын сәтте бір-біріне көмектесу – әрбір мұсылманның міндеті. Біз мұқтаж жандарға көмек қолын созуды шештік. Көмек аз болса да, шын жүректен, – деп атап өтті Қарағанды облысының бас имамы Естай Айтұғанұлы.

Мешітке келе алмаған отбасыларға азық-түлік мекен-жайлары бойынша жеткізілді.

Қарағанды облысы бойынша ҚМДБ баспасөз қызметінің ақпараты бойынша