"Суретші және кескіндеме құпиясы": Қарағанды бейнелеу өнері мұражайында Аманқұл Мұсатаевтың 182 картинасы қойылады

Көрмеде белгілі өлкетанушы, педагог, суретші Аманқұл Мұсатаевтың "Кескіндеме құпиялары" ашылады. Қарағанды облыстық бейнелеу өнері мұражайында 23 қарашада сағат 11:00-де автордың 182 картинасы ұсынылатын экспозиция ашылады.

"Біздің мұражайда "Суретші және кескіндеме құпиясы" атты Аманқұл Мұсатайұлын еске алуға арналған көрме өтеді. Бұл "Қарағанды облысының мұражайларындағы көркем мұра" жобасы аясында Ақтоғай археологиялық-этнографиялық мұражайының қорларынан алынған көрме. Жұмыстардың ішінде тарихи тұлғалар мен батырлардың портреттері бар", - деп хабарлады мұражайда.

Көрме 30 қарашаға дейін жалғасады.

Аманқұл Мұсатаев 1931 жылы Бектау-ата көркем және қасиетті жерінде дүниеге келген. Алматы көркемсурет училищесін бітірген. Ақтоғайдағы ауыл мектебінде 26 жыл жұмыс істеп, балаларға бейнелеу өнерін үйреткен. Педагогикалық қызметімен қатар Н. Крупская атындағы Мәскеу мәдениет институтында оқыды.

Сондай-ақ археолог Әлкей Марғұланмен бірге Орталық Қазақстанда археологиялық зерттеулермен және жартастағы бейнелерді зерттеумен айналысқан, оның барлық экспедицияларына фотограф және суретші ретінде қатысқан.

Аманқұл Мұсатаевтың картиналары бір кездері бүкілодақтық көрмелерге барып, жүлделі орындарға ие болды. Бұған көптеген дипломдар мен грамоталар дәлел бола алады.

Аманқұл Мұсатаев шығармашылығындағы басым жанр портрет болып табылады. Оның сурет галереясында Қаракесек, Ағыбай батыр, Жалаңтөс батыр, Әлкей Марғұлан, Шоқан және басқа да көптеген аңызға айналған тұлғалардың портреттері бар.

Сондай-ақ, суретші егемен Қазақстанның Мемлекеттік туының үздік эскизі байқауына қатысқан.

2018 жылы Аманқұл Мұсатаев дүниеден озды.