Қарағанды облысының Ауыл шаруашылығы қызметкерлерін кәсіби мерекелерімен құттықтады
Қарағанды облысында кәсіби мереке қарсаңында ауыл шаруашылығы, тамақ және қайта өңдеу өнеркәсібі қызметкерлерін құттықтады. Өңір әкімі Жеңіс Қасымбек аграршыларға еңбегі мен еліміздің азық-түлік қауіпсіздігіне қосқан үлесі үшін марапаттар табыс етті.
Биыл облыста ауыл шаруашылығының жалпы өнімін өндіру көлемі 17,6%-ға өсті. Аймақ жұмыртқа өндірісі саласында ел бойынша үздік үштікке кіреді, сонымен қатар картоптың негізгі өндірушілерінің бірі.
Ауа-райының қолайсыздығына қарамастан, биыл дәнді дақылдардан жақсы өнім жиналды. 886 мың тоннадан астам жоғары сапалы астық бастырылды. 292 мың тоннадан астам картоп пен 58 мың тонна басқа көкөністер жиналды.
Ауыл шаруашылығы құрылымдары жыл сайын техникалық паркті жаңартып отырады. Биылғы жылы 800-ден астам ауыл шаруашылығы техникасы сатып алынды.
27 инвестициялық жоба іске асырылды, оның ішінде импортты алмастыратын жобалар. Жыл соңына дейін тағы төрт жоба аяқталады. 400-ден астам адам жұмысқа орналастырылды.
– Құрметті егістіктер мен фермалардың еңбеккерлері, агросервис, дайындау және қайта өңдеу кәсіпорындарының қызметкерлері, сіздердің білімдеріңіз бен баға жетпес тәжірибелеріңіз әл-ауқаттарыңызға және агроөнеркәсіптік кешеннің өсуіне ықпал етсін! Сіздер аймақтың және жалпы елдің азық-түлік қауіпсіздігін қамтамасыз етесіздер. Бұл қажырлы еңбек, – деді Жеңіс Қасымбек ауыл шаруашылығы саласының қызметкерлеріне.
Салтанатты жиында ерекше көзге түскен сала қызметкерлеріне ҚР Ауыл шаруашылығы министрлігінің және Қарағанды облысы әкімінің ведомстволық наградалары, құрмет грамоталары табысталды.
Қарағанды облысының ауыл шаруашылығын дамытуға қосқан жеке үлесі үшін Нұра ауданының "Шахтерское" ЖШС директоры Георгий Прокоп марапатталды. Сондай-ақ, үздік комбайнерлер, қой өсірушілер, жылқы өсірушілер және басқа да мамандар атап өтілді.
– Маған жұмысым өте ұнайды, – дейді "Үздік мал өсіруші" номинациясының жеңімпазы Жанар Мұханова. – Біздің ұжымымыз бен басшылығымыз өте жақсы. Мен төрт жылдан бері жұмыс істеп келе жатқан "Жәке" шаруа қожалығында мал шаруашылығында да, өсімдік шаруашылығында да үнемі жаңа жұмыс әдістері енгізілуде, сондықтан біз жақсы нәтижелерге қол жеткізіп келеміз. Біздің күнделікті жұмысымызды бағалағанда жақсы.
"Поливное" фермер қожалығының басшысы Абдуахат Ибрагимов Қарағанды облысының үздік көкөніс өсірушісі болып танылды.
– Абай ауданына 14 жыл бұрын Тараздан келіп, бірден ауыл шаруашылығымен айналыса бастадым. Біз көкөністер өсіреміз. Менің шаруашылығымда 20 адам жұмыс істейді. Жерде жұмыс менің қанымда бар. Әкем бригадир болған. Енді эстафетаны балаларымызға тапсырамыз. Алдымен, әрине, қиындықтар болды, бірақ мемлекеттің қолдауының арқасында барлығын жеңдік, – деп атап өтті Абдуахат Ибрагимов.
Номинациялардың иегерлері:
- "Үздік мал өсіруші" – Жанар Мұханова, Бұқар Жырау ауданының "Жәке" ш/қ зооинженері;
- "Үздік жылқышы" – Әзілхан Тұрлауов, Шет ауданы Ақсу-Аюлы ауылдық округінің бас жылқы өсірушісі;
- "Үздік шопан" – Марат Кәрімов, Ақтоғай ауданы Нұркен ауылының "Базар" ш/қ басшысы;
- "Ауыл шаруашылығы өнімдерін қайта өңдеу бойынша үздік кәсіпорын" –"Қарағанды-Нан" Корпорациясы" ЖШС;
- "Жылдың әлеуметтік жобасы" – "Майқұдық жұмыртқалары" ЖШС;
- "Үздік көкөніс өсіруші" – Абдуахат Ибрагимов, Абай ауданы Қарағанды ауылдық округінің "Поливное" фермерлік шаруашылығының басшысы;
- "Картоп жинаудан үздік комбайнер" – Александр Старков, Абай ауданының "Шанс" ш/қ комбайнері;
- "Дәнді-дақылдар жинаудан үздік комбайнер" – Александр Стро, "Достық" астық компаниясы " ЖШС механизаторы.
Қазақстанда ауыл шаруашылығы, тамақ және қайта өңдеу өнеркәсібі қызметкерлерінің күні қарашаның үшінші жексенбісінде атап өтіледі.