Сұрыптауда ұзақ өмір сүру орталығының филиалы ашылды

Қарағандының Ұзақ өмір сүру орталығы Сұрыптауда филиалын ашты. Енді зейнеткерлер үйлерінің жанында бос уақыттарын қызықты өткізе алады.

Орталықтың ашылуына 50-ге жуық тұрғын келді, олардың 20-сы бірден үйірмелерге жазылды. Орталықта қазақ және ағылшын тілдерінен сабақ, би, халық аспаптарында ойнауды үйрететін сабақтар өтеді. Тілек білдірушілер компьютерлік сауаттылық, скандинавиялық серуендеу курстарына жазыла алады. 

Әңгіме-дүкен құрып, уақытын өткізу үшін үстел ойындары да бар.

– Біз егде жастағы адамдардың жалғыз қалмауын қалаймыз. Олар қоғам өміріне белсенді қатысуы керек. Оларға көбірек қарым-қатынас, қозғалыс қажет. Қазір біз үйірмелерге қабылдау жүргізіп жатырмыз. Топтар қабылданғаннан кейін біз бірден сабақтарды бастаймыз. Біздің басты арманымыз – қаламыздың қарт тұрғындарын түрлі пайдалы сабақтарға тарту мүмкіндігі болуы үшін өз ғимаратымыздың болуы, – дейді Қарағанды қаласының Ұзақ өмір сүру орталығы директорының орынбасары Бекен Уахитов.

Бүгінгі таңда бірінші ашылған орталықтың филиалына 500-ге жуық адам жазылған. Оның 200-ден астамы бірде бір сабақты жібермей, қатысады. Зейнеткерлер арасында тілдік секциялар мен спорт түрлері танымал. Өзге ұлт өкілдері қазақ тілін үйренуге, домбыра ойынын қуана игереді.

Орталықтар Майқұдық пен Пришахтинскіде де жұмыс істейді.

Сұрыптаудың Белсенді ұзақ өмір сүру орталығы келесі мекен-жайда орналасқан: Теміржолшылар МҮ, Мәметова көшесі, 111 үй.

Байланыс телефоны: (8-7212) 47-53-50.

Толығырақ Instagram парақшасында: @cad_krg_2022.