Балқашта еңбегі сіңген спортшы және меценат Тілеугерей Мақаналинге ескерткіш тақта орнатылды

Балқаш қаласының бокс федерациясының тұңғыш президенті ҚазКСРО спорт шебері Тілеугерей Мақаналиннің құрметіне арналған мемориалдық тақта дене шынықтыру-сауықтыру кешені ғимаратының қасбетіне орнатылды.

Ескерткіш тақта орнатылатын орын кездейсоқ таңдалмаған: Тілеугерей Мақаналин бір кездері ДСК ғимаратында орналасқан "Балқаш" қалалық спорт клубын басқарған.

– Осы жылдар ішінде Тілеугерей Ислямұлы жаттықтырушы-оқытушылар құрамын құрды. Оның басшылығымен 10 жыл бойы біздің қаламызда жыл сайын бокстан халықаралық турнир өтті, оған белгілі спортшылар, Олимпиада ойындарының жеңімпаздары, әлем және Азия ойындарының чемпиондары келді, – деп атап өтті Балқаш әкімі Қайрат Қамзин.

Спортшы туралы естеліктерімен оның достары мен туыстары бөлісті.

– Бұл біздің отбасымыз үшін ерекше күн. Әкемізді еске алып жатырмыз. Бұл ғимаратта айналысатын спортшылар Балқашта осындай боксшы, құрметті адам болғанын білетін болады. Мемориалдық тақтаның ашылуына орай Қазақстанның түкпір-түкпірінен – Астана, Қарағанды, Алматы, Шымкент қалаларынан туыстар жиналды. Біз өте қуаныштымыз және ризамыз, – деді спортшының қызы Гүлжан Мақаналина.

Тілеугерей Мақаналин еңбек жолын бокстан жаттықтырушы болып бастады, кейін дене шынықтыру мұғалімі болып жұмыс істеді. 90-шы жылдары ол бизнеске кетті, бірақ туған Балқаш спортшыларын меценат ретінде белсенді қолдауды жалғастырды. 2015 жылдан бастап "Балқаш" спорт клубын басқарды.