Қарағанды кітапханасының қоры қазақ тіліндегі балалар әдебиетімен толықты

Абай атындағы Қарағанды облыстық балалар кітапханасында "Қазақ балалар әдебиетінің антологиясы" он томдығы пайда болды. Биылғы жылдың 9 айында кітап қоры 1832 дана балалар әдебиетімен, оның ішінде 683-і қазақ тіліндегі баспа өнімдерімен толықтырылды.

"Қазақ балалар әдебиетінің антологиясы" жинағы он томнан тұрады, "Әдебиет" баспасынан шыққан және оны ақын, Қазақстан Жазушылар Одағының мүшесі Байбота Қошым-Ноғай құрастырған. Онда балалар ақындары мен жазушыларының өлеңдері мен әңгімелері, жұмбақтары мен жаңылтпаштары жинақталған", – деді кітапханада.