Шахтинск қаласында "өсетін" орындықтар, автотөсеніштер мен тойбастар шығарылады
Шахтинск қаласында қала әкімінің грантына конкурстың жеңімпаздары анықталды. Биыл ісін жаңа бастаған 17 кәсіпкер бір миллион теңгеден алды.
Олар Eva төсеніштерін, "өсетін" орындықтарды, жұмсақ жиһаздарды және балаларға, сондай-ақ болашақ аналарға арналған массаж салондарын ашады. Конкурсқа жұмыссыз жастардан және өз ісін кеңейтуді қалайтын ісін жаңа бастаған кәсіпкерлерден барлығы 30-ға жуық өтінім берілді.
– Байқауға қатысушылардың идеялары әртүрлі. Бірақ әділқазылар Шахтинск аймағында болмаған жобаларды таңдады. Сондай-ақ, бизнес-бастамалардың өміршеңдігі, олардың қажеттілігі бағаланды. Қатысушылар арасында "Бизнес Бастау" кәсіпкерлік негіздері бойынша курстардан өткені туралы сертификаты бар адамдарға артықшылық берілді, – деді Шахтинск Жастар ресурстық орталығының басшысы Жасұлан Хамитов.
Валерия Башекова байқауға "өсетін" орындықтар шығару жобасын ұсынды. Олар алты айлық нәресетеден жасөспірім жасқа дейінгі балаларға арналған.
– "Өсетін" орындықтар жобасы бір күнде пайда болған жоқ. Мен ана ретінде үлкен ұлыма орындық іздедім. Бірақ тек стандартты нұсқаларды кездестірдім. Бұл ең көп дегенде екі жасқа дейін отыруға болатын немесе мектеп оқушыларына арналған орындықтар. Әмбебап орындықтар болған жоқ. Содан кейін мен оларды интернеттен іздей бастадым. Баланың жасы ұлғайған сайын өсетін орындықтар бар екен. Олардың ортопедиялық негізі бар, бұл балалардың омыртқа жотасын түзу сақтауға мүмкіндік береді, – деді Валерия. – Екінші балам дүниеге келгеннен кейін мен осы әмбебап орындықтарды шығару идеясын іске асыруды армандай бастадым. "Бастау Бизнес" бойынша оқудан өтіп, бизнес-жоспар жазып, гранттар конкурсына өтінім берді. Алынған қаражат менің идеямды жүзеге асыруға көмектеседі.
Миллион теңгеге Валерия шеберханаға қажетті жабдық сатып алуды жоспарлап отыр. Ол болашақ цех үшін ғимарат таңдап үлгерген. Бірінші кезеңде кәсіпкер бір адамды жұмысқа орналастырады.
Ілияс Ғабдұлбаров өз ісін кеңейту үшін гранттар байқауына қатысты. Бірнеше ай бұрын ол EVA төсеніштерін жасауға кірісті.
– Мен 18 жастамын. Бала кезімнен анам маған тігуді үйретті. Маған ұнайды. Колледжде құрылысшы мамандығына оқығаныма қарамастан, мен әрқашан өз ісіммен айналысуды армандайтынмын, – деп мойындайды Ілияс. – Автокотөсеніштерді жасау идеясы күнделікті өмірден келді. Көбінесе әкеммен бірге көлікте жүргенде, мен қыс мезгілінде және маусым аралығында көліктегі "төсеніштер" ылғалданып, аяқ киімге дақ түсіріп, ылғалдылық тудыратынын байқадым. Интернетте мен EVA төсеніштері туралы ақпаратты таптым. Көлік еденіне арналған жабынды өз бетімше шығаруға тырысу идеясы пайда болды. Ол үшін мен кәдімгі тігін машинасын түрлендірдім. Мен оны сынап көрдім, бәрі ойдағыдай болды. Қазірдің өзінде бірнеше ондаған көліктерге қызмет көрсеттім.
Ілияс болашақ шеберхана үшін шағын бөлме жалдап үлгерді. Енді ол қажетті жабдыққа тапсырыс беріп, досын іске тартпақшы.
Сондай-ақ, Шахтинск қаласында жақын арада автомобиль салондарын жабдықтау, тойбастар жасау цехтары, шағын кофехана, құрылыс құралдарын жалға беру қызметтері, жүкті әйелдер мен балаларға арналған арнайы массаж салондары, сондай-ақ жаңа балалар ойын-сауық орталығы пайда болады.
Кәсіпкерлерге сертификаттар Республика күніне арналған салтанатты іс-шара барысында табысталды.