Абай ауданының Жартас ауылында Мәдениет үйі мен спортзал жөнделді

Абай ауданының Жартас ауылында Мәдениет үйі жөнделді.

Жаңартылған ғимарат Республика күніне орай таныстырылды.

Бұл ғимарат салынған күннен бастап – 1985 жылдан бері алғаш рет күрделі жөндеуден өтті.

"Биылғы жылы үй-жайлар мен көрермендер залын жөндеу аяқталды, терезелер мен есіктер ауыстырылды. Шатыр сәл бұрынырақ ретке келтірілген болатын. Жаңа сахналық костюмдер, түрлі-түсті жабдықтар сатып алынды, креслолар қалпына келтірілді. Аумақ абаттандырылып, ғимараттың периметрі бойынша қоршау орнатылды. Мәдениет үйінде 13 шығармашылық ұжым жұмыс істейді – бұл хореографиялық ансамбльдер, вокалдық және театрлық шеберханалар, этномәдени бірлестік", – деді Абай ауданының мәдениет бөлімінде.

Биылғы жылы коммуникациялар да қолға алынды – электр желілері мен су бұратын жылыту жүйесі жөнделді.

Ғимаратта душ бөлмелері бар спорт және тренажёр залдары да бар. Өткен жылы аудандық бюджет есебінен душ бөлмелері ретке келтіріліп, спорт үй-жайларына күрделі жөндеу жүргізілді

Жартастықтар спортзалды заманауи құрал-жабдықтармен жабдықтау мәселесін бірнеше рет көтерген болатын. Биыл жергілікті бюджет есебінен ауыл тұрғындарының әртүрлі санаттары үшін 15-тен астам тренажер түрі сатып алынды.

– Мәдениет үйі – бұл халықтың мәдени және рухани байлыққа қол жеткізе алатын мекен және жастарымыз бос уақытын тиімді өткізетін орын. Бүгінгі таңда салауатты өмір салтын ұстанатын ауыл тұрғындары үшін арнайы спорт залдары да көз қуантады. Біз ауыл тұрғындарының өмір сүру сапасын арттыруға тырысамыз, – деп атап өтті Абай ауданының әкімі Бауыржан Асанов.

Мәдениет үйінде сонымен қатар кітапхана орналасқан, мұнда коворкинг-орталық жұмыс істейді, қызығушылықтары бойынша сабақтарға арналған түрлі алаңдар құрылды. Кітап қоры 20 501 дананы құрайды және үнемі жаңартылып отырады.

Жаңартылған мәдениет үйінің ашылуы мәдениет қызметкерлерін марапаттаумен және Игорь Андрейченконың жетекшілігімен джаз оркестрінің концертімен аяқталды.