Қарағандылық ауыр атлеттер Азия чемпионатының жүлдегерлері атанды

Үш қарағандылық спортшы ауыр атлетикадан Азия чемпионатында жүлделі орындарға ие болды. Артем Антропов, Айша Омарова және Любовь Ковальчук қола жүлдеге ие болды.

Құрлықтық біріншілік Манамада (Бахрейн Корольдігі) өтті. Чемпионатқа 29 елден 186 спортшы қатысты. Қазақстан атынан 18 атлет қатысты.

96 келіге дейінгі санаттағы қоссайыс сомасында Артем Антропов 377 келіні көтерді. Сонымен қатар, "итеру" жаттығуында ол ең үздігі болды (219 кг).

Любовь Ковальчук (+87 кг) жұлқи көтерілісте күміс медаль жеңіп алды және серпуден үшінші болды. Нәтиже 266 кг (115+151).

Айша Омарова 81 келіге дейінгі салмақ дәрежесінде қола жүлдеге ие болды.

Жалпы командалық есепте Қазақстаннан ерлер құрамасы 658 ұпай жинап, бірінші орынды иеленді. Екінші және үшінші орындарды Өзбекстан (655 ұпай) және Иран (631 ұпай) командалары бөлісті.

Қазақстан әйелдер құрамасы қола жүлдегер атанды (550 ұпай). Индонезия командасы (631 ұпай), ал екінші орында Қытайдың Тайбэй командасы (580 ұпай).

Қарағанды облысының дене шынықтыру және спорт басқармасының ақпараты бойынша