Грэпплингтен әлем чемпионатында қарағандылықтар бес медаль жеңіп алды

Понтеведра қаласында (Испания) жастар арасындағы грэпплинг жарысынан әлем чемпионаты өтті. Қарағанды облысының үш өкілі бес медаль жеңіп алды.

Теміртаудан келген жауынгер Жанұзақ Айтбаев алтын алды. Спортшы үш жеңісті жекпе-жек өткізді: алдымен испандықпен, содан кейін Қырғызстаннан келген жауынгермен және қазақстандық жерлеспен.

Әміржан Сихимбаев күміс және қола жүлдегер атанды.

Жанель Құсайынова да тұғырға екі рет көтерілді. Бойжеткен қоржынына екі қола медаль салды.

– Нәтиже өте жақсы! Бәсекелестік керемет болды – 64 елден мыңнан астам қатысушы жиналды. Спортшылардың деңгейі жоғары. Жарыс та тамаша ұйымдастырылған. Жалпы, біз өте қуаныштымыз және жаңа шыңдарды бағындыруға дайындаламыз, – деді Қарағанды облысының грепплинг бойынша аға жаттықтырушысы Вадим Брамонтов.

Қарағанды облысының дене шынықтыру және спорт басқармасының ақпараты бойынша