Қарағандылық батут гимнастикасы бойынша әлемдік рейтингті басқарды

Қарағандылық Данил Мұсабаев алғаш рет батут гимнастикасынан әлем кубогының кезеңдерінде өнер көрсету қорытындысы бойынша әлемдік рейтингті басқарды.

Спортшы ең мықты қарсыластарға қарағанда тұрақты өнер көрсетіп, ең көп ұпай жинады.

Халықаралық турнирлер Әзірбайжан, Италия, Португалия және Швейцарияда өтті. Данил 153 ұпай жинап, батутта жеке секіру бойынша көшбасшы болды.

– Жыл басында біз өзімізге әлем кубогының барлық кезеңдерінде жақсы өнер көрсету міндетін қойдық, – дейді ҚР еңбек сіңірген жаттықтырушысы, батут гимнастикасынан Қазақстан құрамасының бас жаттықтырушысы Сергей Вертянкин. – Өте күрделі комбинация дайындалды, Данил бірінші рет жасады. Ол жақсы өнер көрсетті. Онымен жұмыс істеу оңай. Данил тез қағып алады, сонымен қатар ол өте жігерлі жігіт.

Спортшының айтуынша, бұл нәтижеге жету үшін көп жаттығулар мен тұрақты жиындар көмектесті.

– Мен батут гимнастикасына 4 жасымда келдім. Содан бері тұрақты жаттығулар. Қазір күніне 6 сағат жаттығамын. Әрине, көп нәрсе жаттықтырушыға байланысты. Оның қолдауы, кеңестері, – деп бөлісті 24 жастағы Данил Мұсабаев.

Қазір Алматыда өткен жиындарда әлемдік рейтингтің көшбасшысы. Ертең Қазақстан кубогы басталады. Кішкене тынығудан кейін - жаңа жарыстар. 13 қарашадан бастап Болгарияда әлем чемпионаты басталады.

Данил Мұсабаевтың басты спорттық мақсаты – Олимпиада ойындары. Лицензиялар келесі жылы Әлем кубогының кезеңдері бойынша ойнатылады.