Қарағанды тарихи-өлкетану мұражайының 90 жылдығына орай «Дәуір жәдігерлері» көрмесі ашылды

Қарағанды облыстық тарихи-өлкетану музейінде «Дәуір жәдігерлері» көрмесі жұмыс істейді. Экспозицияда құнды және бірегей экспонаттар мен фотоматериалдар бар.

Көрме тарихи-өлкетану мұражайының 90 жылдығына арналған.

«Келушілер мұражайдың қалыптасу тарихымен таныса алады. Экспозиция сонымен қатар облыстың қоғамдық, саяси, ғылыми және мәдени өміріндегі маңызды оқиғаларды ашады. Көрме облыс және жалпы ел тарихында жарқын із қалдырған тұлғалармен, сақ атамандарымен, Қарқаралы ауданындағы Талды-2 қорымынан табылған бірегей олжалармен таныстырады – бұл сақтар стилінде жасалған алтын бұйымдар. Мұнда археологиялық мұражай жәдігерлері де ұсынылған», – деді мұражайда.

Экспозиция тоғыз бөлімнен тұрады. Олардың әрқайсысында Қарағанды облысының 10 жылдағы тарихы туралы айтылады.

«Дәуір жәдігерлері» көрмесі 3 қарашаға дейін жалғасады.