Қарағанды облысында кәмелетке толмағандар арасындағы құқық бұзушылықтың алдын алу шаралары талқыланды

Қарағанды облысында кәмелетке толмағандар істері және олардың құқықтарын қорғау жөніндегі комиссияның кезекті отырысында интернат үлгісіндегі ұйымдардағы кәмелетке толмағандардың қауіпсіздігі, жетім балалар мен ата-анасының қамқорлығынсыз қалған балаларды тұрғын үймен қамтамасыз ету, кәмелетке толмағандар арасындағы құқық бұзушылықтар мен қылмыстардың алдын алу сияқты өзекті мәселелер көтерілді.

Кеңес облыс әкімінің орынбасары Ербол Әлиқұловтың төрағалығымен селекторлық режимде өтті.

Отырыста интернаттық мекемелердің: полиция, қорғаншылық және қамқоршылық, денсаулық сақтау, әлеуметтік қорғау, мәдениет және спорт органдары, әкімдіктер тәрбиеленушілерінің қауіпсіздігін қамтамасыз ету мәселелерінде барлық мемлекеттік құрылымдардың бірлескен жұмысының маңыздылығы атап өтілді.

Облыста балаларға арналған 10 интернаттық мекемеге барған жұмыс тобы құрылды. Оның бақылаулары мен қорытындылары негізінде білім беру ұйымдарының басшыларына тәрбиеленушілердің қауіпсіздігін қамтамасыз ету бойынша ұсыныстар берілді.

Бала құқықтары жөніндегі уәкіл Ирина Киселева өз жұмысы туралы есеп берді.

Отырыс қорытындысы бойынша аудандық және қалалық кәмелетке толмағандар істері және олардың құқықтарын қорғау жөніндегі комиссияларға алдын алу шараларына барынша көп көңіл бөлу тапсырылды.